Manuel Baltar explicou no seminario sobre Transformación Dixital as innovacións da Deputación de Ourense no ámbito de “Provincia Intelixente”
O presidente da Deputación de Ourense, Manuel Baltar, clausurou en Santiago o seminario sobre “Transformación dixital das administracións públicas en Galicia”, un foro de debate no que se analizou a xestión e transformación que están a experimentar as administracións na era dixital e se puxeron sobre a mesa as solucións innovadoras e novas tendencias que se están aplicando para facer máis achegada e doada a relación cidadán-administración.
Neste sentido, Manuel Baltar foi convidado para expoñer na clausura do evento as iniciativas pioneiras que situaron ao goberno provincial de Ourense na vangarda das solucións innovadoras aplicada á xestión administrativa en Galicia e en España e que a Deputación de Ourense ven desenvolvendo no marco do concepto de “Provincia intelixente”, impulsado polo propio Manuel Baltar.
O presidente da Deputación de Ourense dixo que a administración do século XXI “ten que ser electrónica porque senón non será administración” e remarcou que os servizos públicos tradicionais “deben mudar en favor da imediatez, da celeridade e da sinxeleza a prol dos cidadáns, para que cada persoa leve no peto, no seu dispositivo móbil, a posibilidade de facer calquera tipo de xestión administrativa”. Neste sentido, Baltar falou da “fusión de servizos” “o que significa que traballamos en favor dese modelo de “Provincia Intelixente”, e un bo exemplo diso é o Plan “Conecta Ourense”, unha estratexia de desenvolvemento urbano sostible que fixa a súa zona de intervención nos municipios de Ourense e nos do seu espazo metropolitano”.
Manuel Baltar dixo que a dixitalización das administracións ten moito que ver coa participación cidadá, coa rendición de contas e coa transparencia, “ámbito este no que tamén o goberno provincial de Ourense é unha referencia e estamos á vangarda". Así, o titular da institución ourensá enumerou as novidades incorporadas recentemente na administración provincial de Ourense entre as que citou a retransmisión en directo dos plenos; das comisións informativas; do sorteo dos membros dos tribunais das probas de acceso ao emprego público; das aperturas de plicas das mesas de contratación; da “vídeo-acta” e da posta en marcha da primeira plataforma provincial de participación cidadá, que figura no Plan de xestión e estratexia operativa da Deputación, Ourense 15-19.
“Somos unha administración-esponxa –dixo Manuel Baltar-, aberta a calquera cambio e a compartir toda a información cos cidadáns, agás os límites legais que procedan. A administración electrónica é un camiño irrenunciable e neste sentido a Deputación de Ourense ven de poñer en marcha xunto coas deputacións de Zaragoza, Castellón e Girona o primeiro Foro interprovincial de innovación, un ente que ten como obxectivo manter unha canle continua para favorecer a transferencia de experiencias e coñecemento entre persoas e institucións a prol da modernización dos servizos que prestan os gobernos locais intermedios”.
O seminario, que tivo lugar no Salón de Actos do edificio ABANCA Obra Social en Santiago de Compostela, contou tamén coa presenza de Mar Pereira, directora da Axencia para a modernización tecnolóxica de Galicia, e con expertos en informática, comunicación, xestión tributaria e económica que desenvolveron relatorios sobre innovación aplicada ás administracións públicas en Galicia.
Neste sentido, Manuel Baltar foi convidado para expoñer na clausura do evento as iniciativas pioneiras que situaron ao goberno provincial de Ourense na vangarda das solucións innovadoras aplicada á xestión administrativa en Galicia e en España e que a Deputación de Ourense ven desenvolvendo no marco do concepto de “Provincia intelixente”, impulsado polo propio Manuel Baltar.
O presidente da Deputación de Ourense dixo que a administración do século XXI “ten que ser electrónica porque senón non será administración” e remarcou que os servizos públicos tradicionais “deben mudar en favor da imediatez, da celeridade e da sinxeleza a prol dos cidadáns, para que cada persoa leve no peto, no seu dispositivo móbil, a posibilidade de facer calquera tipo de xestión administrativa”. Neste sentido, Baltar falou da “fusión de servizos” “o que significa que traballamos en favor dese modelo de “Provincia Intelixente”, e un bo exemplo diso é o Plan “Conecta Ourense”, unha estratexia de desenvolvemento urbano sostible que fixa a súa zona de intervención nos municipios de Ourense e nos do seu espazo metropolitano”.
Manuel Baltar dixo que a dixitalización das administracións ten moito que ver coa participación cidadá, coa rendición de contas e coa transparencia, “ámbito este no que tamén o goberno provincial de Ourense é unha referencia e estamos á vangarda". Así, o titular da institución ourensá enumerou as novidades incorporadas recentemente na administración provincial de Ourense entre as que citou a retransmisión en directo dos plenos; das comisións informativas; do sorteo dos membros dos tribunais das probas de acceso ao emprego público; das aperturas de plicas das mesas de contratación; da “vídeo-acta” e da posta en marcha da primeira plataforma provincial de participación cidadá, que figura no Plan de xestión e estratexia operativa da Deputación, Ourense 15-19.
“Somos unha administración-esponxa –dixo Manuel Baltar-, aberta a calquera cambio e a compartir toda a información cos cidadáns, agás os límites legais que procedan. A administración electrónica é un camiño irrenunciable e neste sentido a Deputación de Ourense ven de poñer en marcha xunto coas deputacións de Zaragoza, Castellón e Girona o primeiro Foro interprovincial de innovación, un ente que ten como obxectivo manter unha canle continua para favorecer a transferencia de experiencias e coñecemento entre persoas e institucións a prol da modernización dos servizos que prestan os gobernos locais intermedios”.
O seminario, que tivo lugar no Salón de Actos do edificio ABANCA Obra Social en Santiago de Compostela, contou tamén coa presenza de Mar Pereira, directora da Axencia para a modernización tecnolóxica de Galicia, e con expertos en informática, comunicación, xestión tributaria e económica que desenvolveron relatorios sobre innovación aplicada ás administracións públicas en Galicia.
Gabinete de Comunicación da Deputación Provincial de Ourense
