A USC conmemora o centenario da primeira edición de La Casa de La Troya

A Asociación de Antigos Alumnos e Amigos da USC renderá homenaxe a Alejandro Pérez Lugín coa colocación dunha placa conmemorativa do centenario da primeira edición da súa novela La casa de la Troya. O acto celebrarase o luns 22 ás 19.00 horas no Museo Casa da Troia.

A sesión estará encabezada pola presidenta da asociación universitaria, Benita Silva, e contará tamén coa presenza da vicerreitora de Estudantes, Cultura e Responsabilidade Social, Dolores Álvarez; do secretario xeral de Cultura, Anxo Lorenzo; da xerenta do Consorcio de Santiago, Belén Hernández; do concelleiro de Educación de Santiago, Manuel Dios.