En Marea rinde contas da súa xestión en Madrid nun acto cidadán aberto na Coruña

En Marea presentouse ás eleccións para que os problemas reais da xente entraran nas institucións, e que os gobernos se puxeran de verdade ao servizo da maioría. O noso labor foi responder a encomenda que nos fixo a cidadanía galega: alcanzar un goberno de cambio centrado nos problemas da xente. Parte do noso empeño é lograr ese goberno de cambio e que a cidadanía galega participe do mesmo en pé de igualdade.

En paralelo o noso labor é trasladar os problemas da xente ás Cortes e propoñer solucións viables aos mesmos. Facémolo desde o mundo real, coa xente que vive os problemas en carne propia, coas entidades que traballan en cada campo, coa xente que loita polos dereitos e a dignidade, e con toda a intelixencia que xa dispón a sociedade para atopar as mellores respostas.

A nosa presenza no Congreso e no Senado está ao servizo da cidadanía galega, agora queremos dar conta do que estamos a facer e que nos digas que che parece, que facemos mal, como podemos mellorar, que novas propostas che gustaría incluír.

Falamos? Cóntanos, propón, pregunta, participa…

En Marea faise en común.

#RutaEnMarea