Xosé Otero Canto gaña o Premio do XLI Certame de Poesía do Nadal

En Begonte, reúnese o Xurado calificador dos traballos presentados ao XLI CERTAME NACIONAL DE POESÍA SOBRE O NADAL, convocado polo Centro cultural “José Domínguez Guizán” e patrocinado por Abanca, formado por : JESÚS DOMÍNGUEZ GUIZÁN, presidente do Centro Cultural convocante; XAVIER RODRÍGUEZ BARRIO, poeta, e XULIO GIZ RAMIL, xornalista, que actúa como Secretario. Por unanimidade, acordan emitir o seguinte fallo:

1.- Conceder o PREMIO BEGONTE DE POESÍA, dotado con 600€ e estatuíña de Sargadelos, ao poema XESÚS FICOU ESPIDIÑO, presentado baixo o lema ALTARIUM por XOSÉ OTERO CANTO de Lugo.

2.- SEGUNDO PREMIO, dotado con 300€ e estatuíña de Sargadelos ao poema BO NADAL, do que resultou ser autor BALDOMERO IGLESIAS DOBARRIO (Mero), de Xanceda-Mesía (A Coruña).

3.- Pola calidade dos traballos presentados, concédense cadansúa MENCIÓN DE HONRA, dotada con estatuíña de Sargadelos aos poemas:

- SONETOS, POR LA ROSA DE LOS VIENTOS, A DIOS RECIÉN NACIDO EN BEGONTE, presentado co lema CECILIO ACEBO DEL VALLE, por ANTONIO-ESTEBAN GONZALEZ ALONSO, de Cacabelos(León) e

- NAVIDEÑAS, GLORIA Y PAZ… presentado baixo o lema NAVIDAD: HE AQUÍ EL PARAÍSO, por JESÚS RIAL VARELA, de Ferreiros-O Pino (A Coruña).

Os premios entréganse o 28 de xaneiro, sábado, no decurso do acto de clausura de O NADAL EN BEGONTE.