Skip to main content
A | B | C | D | E | F | G | I | L | M | N | O | P | Q | R | S | T | V | X | Z

A Coordinadora das Mareas contará con dúas vicevoceirías e desenvolverá a estrutura territorial da organización

A Coordinadora das Mareas mantivo a súa primeira reunión de traballo, unha reunión que pon en marcha o desenvolvimento das áreas a través das que se irá organizando o traballo político da organización.

Como primeiras decisións e seguindo o marcado nos documentos do Consello das Mareas, está creación de dúas vicevoceirías, unha de carácter orgánico e outra que se ocupará da acción política.

A proposta que a coordinadorá levará ao Consello das Mareas para asumir a responsabilidade destas dúas vicevoceirías son a de Victoria Esteban para a vicevoceiría de Organización, e Ana Seijas para que se responsabilice da Acción Política.

Entre os cometidos que de maneira inmediata acometerá a coordinadora están a recompilación de todos os documentos políticos de En Marea para a súa publicación na web. Tamén se porá en marcha a tramitación dos espazos de transparencia e a publicación da carta financeira.

A Coordinadora das Mareas porá en marcha as áreas de traballo que terán características sectoriais, transversais e territoriais.

Entre os cometidos que tamén terán caracter inmediato para a coordinadora se iniciará o proceso de dotar á organización dunha estrutura territorial para En Marea.
Gabinete de Comunicación de En Marea