Concerto da Coral de Don Benito (Badajoz) e o Orfeón Lucense o sábado, 29 de abril, na igrexa de A Nova

A Agrupación Coral de Don Benito tivo entre os seus componentes á lucense Marta Blanco, e despois do pasamento desta, a agrupación quixo render homenaxe á súa memoria vindo cantar á capital lucense, poñéndose en contacto co Orfeón Lucense para que colaborase nesta iniciativa.

En homenaxe, pois, á falecida Marta Blanco, as dúas agrupacións ofrecerán un concerto de música coral na igrexa de A Nova, con entrada libre, ao que asistirán familiares da homenaxeada, residentes en Lugo e A Coruña.

Despois deste concerto, e para culminar a súa actuación na capital lucense, a Agrupación Coral de Don Benito cantará a misa da unha da tarde do domingo, día trinta, na Catedral lucense.