En Marea visita as zonas afectadas pola vaga de lumes na cidade de Vigo e arredores
![](http://www.galiciadigital.com/images/notas/fotos/visita_lumes_vigo.jpg)
Así mesmo, considerou inapropiado que a Xunta de Galicia estea a agochar a súa responsabilidade empregando a teoría da trama incendiaria algo que tanto a Fiscalía de medio ambiente como a Subdelegación do Goberno consideraron precipitado falar diso.
“Aquí faltaron medios, coordinación, activación de protocolos, houbo medios sen empregar, brigadistas nas súas casas porque xa non tiñan contrato e todo isto sabendo que había condicións climatolóxicas adversas e que o lume estaba xa no monte” denunciou o voceiro de En Marea. “Houbo imprevisión, falla de coordinación e unha incompetencia pola que se debe responder” engadiu.
Na visita os representantes de En Marea e Marea de Vigo puideron constatar como unha vez máis “foi a sociedade civil organizada coas súas propias mans nas que nun primeiro momento foron quen de deter un lume axudados despois por uns dispositivos que resultaron notoriamente insuficientes para atender non só as casas senón a unha poboación que se atopaba absolutamente desvalida”.
“As autoridades deberán responder. Unha vez se apagaron os lumes é o momento de esixir responsabilidades” concluíu o voceiro de En Marea.
Gabinete de Comunicación de En Marea