O calendario de 2018 do Concello de Santiago de Compostela promociona as ilustracións de 13 artistas

O calendario foi enviado a todos os centros escolares e pode descargarse tamén en formato pdf dende a web municipal. Ademais, as persoas que desexen telo fisicamente poderán conseguilo a través dos Centros Cívicos das Fontiñas. Castiñeiriño, Vite, Santa Marta e o Ensanche. Os ilustradores e ilustradoras son Alfredo, Jorge Arranz, Eduardo Baamonde, Blanca Escrigas, Ana Luisa Frazao, Joaquín González Dorao, Munehiro Ikeda, Fernanda Lamelas, Lapin, Miguel Anxo Prado, Santiago Ríos, Teresa Ruivo e Isabell Seidel.

Cada mes do ano vén acompañado dunha ilustración de Compostela que amosa o seu patrimonio histórico, recunchos do casco vello e a vida da poboación compostelá. Ademais de marcar os festivos estatais, nacionais e locais (10 de maio, Ascensión e 16 de agosto, San Roque), o calendario tamén incorpora eventos ou datas relevantes desde o punto de vista social, literario ou artístico.

Na última páxina incorpora unha novidade, como son as festas dos barrios e parroquias de Compostela.