O Roteiro Maker realizará novas pardas do seu particular Camiño de Santiago esta fin de semana

Aos talleres asistiu un público numeroso, formado tanto por nenos como por adultos que se achegaron con curiosidade e diversión, xa que os contidos se adaptan a todas as idades e se ofrecen nun formato totalmente innovador e divertido. Os asistentes destacaron sobre todo a novidade das tecnoloxías, as posibilidades que ofrece a súa aplicación e a dinámica dos talleres, xa que se facilita o acceso a eles de forma áxil ao non necesitar inscrición previa.

As próximas paradas deste peculiar Camiño Maker terán lugar esta fin de semana, 19 e 20 de xuño, en Brión, Rois, Ézaro e Muros. Os horarios e máis información sobre este proxecto pódense atopar na súa páxina web www.roteiromaker.com e nas súas redes sociais.

O Roteiro Maker é un proxecto que se realiza en colaboración coa Fundación Española para a Ciencia e a Tecnoloxía - Ministerio de Ciencia e Innovación.