Skip to main content
A | B | C | D | E | F | G | I | L | M | N | O | P | Q | R | S | T | V | X | Z

A Federación de Librarías de Galicia presenta unha axenda cultural viva e 14 citas en directo

Por un lado, a posta en marcha dunha Axenda Cultural online que recolle a enorme actividade que as librarías galegas desenvolven ao longo do ano, dende clubes de lectura até presentacións de libros, pasando por eventos infantís ou coloquis. Esta axenda pretende ser un escaparate para todas as actividades culturais das librarías, permitindo ao público ter acceso nunha mesma web a todas as propostas culturais existentes no gremio.

“Queremos fomentar a participación da sociedade nestas actividades, aumentar a oferta de ocio nas localidades, visibilizar a labor cultural que desenvolven as librarías galegas, e ser un espazo de información e relación tamén entre as propias librarías e os seus clientes”, explicaba Ramón Dominguez, Presidente da Federación de Librarías de Galicia.

Doutra banda, o evento serviu tamén para presentar o calendario de Feiras do Libro de Galicia 2023, un proxecto que cada ano enche as rúas de diversos concellos de libros, citas culturáis e paixón lectora, e que este ano contará con 14 citas en toda Galicia, comezando o vindeiro venres 21 de abril en Ferrol, e rematando o 26 de agosto en Monforte de Lemos.

Entre medias, Porriño, Lugo, Vilalba, Ourense, Redondela, Vigo, Ponteareas, Rianxo, A Coruña, Viveiro e Foz. En total, catorce citas coa lectura nas rúas, que prometen achegar a literatura a todos os transeúntes, e que pronto comezarán a desvelar os seus programas.

Calendario completo de Feiras

• Ferrol
◦ 21 - 23 de abril Praza da Constitución
• Santiago de Compostela
◦ 29 de abril - 7 de maio Paseo Central da Alameda
• Porriño
◦ 11 - 14 de maio Rúa Ramón González
• Lugo
◦ 16 – 20 de maio Praza Maior (arriba)
• Vilalba
◦ 2 – 4 de xuño Praza da Constitución
• Ourense
◦ 7 - 10 de xuño Rúa do Paseo
• Redondela
◦ 15 - 18 de xuño Alameda
• Vigo
◦ 23 - 29 de xuño Peonil do Calvario 1
• Ponteareas
◦ 13 - 16 de xullo Praza Bugallal
• Rianxo
◦ 22 – 25 de xullo Praza Castelao
• A Coruña
◦ 1 - 10 de agosto Xardíns de Méndez Núñez
• Viveiro
◦ 12- 15 de agosto Xardíns de Noriega Varela
• Foz
◦ 17 - 20 de agosto Praza de Conde Fontao
• Monforte de Lemos
◦ 23 - 26 de agosto Rúa do Cardeal

Ambos proxectos contan co finanzamento da Xunta de Galicia, cuxo Director Xeral de Cultura, Anxo Lorenzo, presidiu o acto de presentación desta mañá, acompañado de Gonzalo Trenor, Delegado Territorial da Xunta de Galicia na Coruña, e María Cristina Rubal, Subdirectora Xeral de Bibliotecas.

No acto estiveron tamén presentes diversos representantes dos concellos que acollerán as 14 citas das Feiras do Libro de Galicia 2023, así como representantes de Cafés Candelas, patrocinador privado dos espazos de tertulia e debate das Feiras.
Federación de Librarías de Galicia