Un concerto e unha instalación sonora, a proposta do Festival Resis esta semana

A seguinte cita da semana terá lugar ao día seguinte, no Museo de Belas Artes, tamén ás 20:00. Tratarase do concerto Pierrot Lunaire, que toma o seu título da obra homónima do austríaco Arnold Shoenberg, a cargo da recoñecida agrupación madrileña Plural Ensemble. As entradas poden reservarse gratuitamente en ataquilla.com, no kiosco da praza de Ourense ou no propio museo de Belas Artes.

A interpretación de Pierrot Lunaire servirá tamén para homenaxear, con motivo deste Ano Picasso, ao célebre pintor, xa que a figura de Pierrot foi recorrente na súa obra. O director da velada será Fabián Planisello, líder de Plural Ensemble.
O Festival RESIS de Música Contemporánea e Artes Vivas continuará a súa programación ata o sábado día 6 de maio, contando con tres concertos e outras actividades que desfrutar na súa última semana.

Baixo o patrocinio do Concello da Coruña, a Deputación da Coruña, a Xunta de Galicia e o INAEM, o RESIS consolida o seu éxito cada ano entre o público, a crítica e os profesionais do ámbito coa súa aposta por un festival galego e internacional. A entrada é gratuíta ata completar aforo.