Arranca a novena edición do festival Fancine de Lemos

“Marian Salgado é unha das figuras máis importantes do fantaterror español. Con este galardón queremos recoñecer e homenaxear a súa contribución ao cine de xénero dos últimos 40 anos”, sinala Patiño.

Actriz e actriz de dobraxe, Salgado foi a voz de Linda Blair en "El exorcista" (1973), protagonizou "La endemoniada" (1975), participou en "El extraño amor de los vampiros" (1975), en "¿quién puede matar a un niño? (1976) e interpretou un gran número de personaxes en teatro, cine e radio.

Marian Salgado, que estará connosco todos os días desta edición do festival, será unha das persoas que formará parte do xurado que outorga os premios da sección de curtametraxes do certame e tamén estará presente noutras actividades do festival como o vermú- debate sobre fantaterror español ou a presentación do seu libro "La hija del periodista"

Fancine de Lemos, punto de encontro de profesionais do sector

Ao longo dos cinco días de duración do Fancine de Lemos, pasarán por Monforte recoñecidos profesionais do sector que participará en coloquios e clases maxistrais.

Alberto Vázquez, director de “Unicorn Wars”, película gañadora do Goya a mellor animación en 2022 e Khris Cembe, director de animación, presentarán a súa película o venres e participarán nunha mesa redonda sobre o sector do cine de animación español.

Ángeles Huerta, directora de “O Corpo Aberto” e Gaspar Broullón, productor, acompañaránnos na proxección o xoves 6.

Aída Cordero, directora, productora e membro do equipo de CIMA, formará parte do xurado do festival e participará o domingo, xunto a Marian Salgado e Reinaldo Pereira, subdirector do festival, no Vermú-Coloquio sobre Fantaterror español.

Marc Pujol, atrezzista, escenógrafo e creador do estudio Anomalia traerannos a exposición “Obxectos malditos do cinema” que, tras o seu paso polo festival de Sitges, exporá na Casa de la Cultura Lois Pereiro de Monforte reproduccións de pezas icónicas do mundo do cine de terror.

Estarán ademáis presentes varios directores e persoal do equipo das curtometraxes a concurso Adorable, Anecoica, A moza da bufanda vermella, Cadeas, Compañeiros, En tu mente, Visión parcial de una mañana insólita, Els Mal, Box Fox, O neno sardiña e Fantaterror.

Un festival para todas e todos: Sesión adaptada Asociación Agora

No Fancine de Lemos cremos nunha cultura inclusiva e accesible para todos. A primeira actividade deste ano será unha sesión de cine adaptada ás necesidades especiais dos usuarios da Asociación Ágora de Monforte de Lemos.

A asociación Agora é unha entidade monfortina sen ánimo de lucro cuxo obxectivo é promover e coordinar a defensa dos dereitos das persoas con discapacidade para a súa plena integración social.

Os usuarios da asociación poderán gozar da proxección da película “Scoob!” o mércores 5 ás 12:30 horas na Casa da Cultura Lois Pereiro.

Fin de festa coa cantante Lucía Aldao

O sábado 8 tendrá lugar a gala de clausura onde se entregarán os premios da novena edición do Fancine de Lemos. O broche final do festival será a poeta e cantante galega Lucía Aldao, que ofrecerá un concerto no Bar Garden de Monforte de Lemos durante a festa de clausura organizada para os participantes no festival.

A coruñesa Lucía Aldao comezou na poesía na súa adolescencia e continuou como cantante e guitarrista. Leva máis de 20 anos dedicándose profesionalmente ao mundo da poesía escénica, da música e do humor. É unha das figuras máis destacadas do grupo poético “Poetas da Hostia” e creou xunto a Diego Delgado o proxecto musical alDDao, que formou parte activa do panorama musical barcelonés e galego a finais da década dos 2000.