Conferencia sobre 'A MASONERÍA EN GALICIA', por Alberto Valín Fernández, en Lugo

Obtivo o grao de Licenciatura na Universidade de Zaragoza en 1983 coa cualificación excepcional de Sobresaliente Cum Laude. Máis tarde, na mesma universidade zaragozana, doutórase en Filosofía e Letras (Sección de Historia) coa mesma cualificación.

É autor de máis dun centenar de publicacións nacionais e internacionais (libros, artigos, capítulos de libros, relatorios e comunicacións en congresos de ámbito internacional e nacional, prólogos, coordinador e director de publicacións…). Entre os seus libros cabe destacar: 'La Masonería y La Coruña. Introducción a la historia de la masonería gallega', Vigo (Pontevedra), Edicións Xerais de Galicia, 1984; 'Galicia y la masonería en el sigo XIX', Sada (A Coruña), Ediciós do Castro, 1990, 1991 (2 edicións); 'Laicismo, educación y represión en la España del siglo XX', Sada (A Coruña), Ediciós do Castro, 1993; 'Masonería y revolución, Del mito literario a la realidad histórica', Santa Cruz de Tenerife-Las Palmas de Gran Canaria, 2008 / Marston Gate (Inglaterra, Gran Bretaña), Amazon.co.uk, Ltd., 2013 (3 edicións, tanto en soporte papel como en soporte dixital).

Dirixiu o libro 'A Sociabilidad en la Historia Contemporánea' e o dossier 'Los estudios sobre la historia de la masonería hoy' da revista da Universidade de Salamanca Studia histórica. Historia Contemporánea, vol. 23 (ano 2005). Coordinou varios proxectos de investigación subvencionados pola Xunta de Galicia cun multidisciplinar equipo internacional, dando como froito académico a consecución de varias teses doutorais. As súas liñas de investigación son, entre outras, a Historia Social e das Mentalidades, a Historia da Educación e a Politoloxía. Tamén dirixiu teses como, por exemplo, a Label Européen de Óscar Freán sobre a Historia do Movemento Libertario Gallego e a de Juan Osuna sobre A Guerra de Independencia en Galicia.