Este xoves, última xuntanza de LUGOPOÉTICA 2024 na UNED

Cos contidos destas sesións poéticas, hase publicar un libro cunha selección da obra dos doce participantes.

Nesta última xuntanza van participar Baldomero Iglesias Dobarrio, Mero e Francisco Javier Neira Pampín. O acto é publico e difundirase en directo pola rede dixital da Uned, para logo publicarse na Rede, e nas webs de Egeria e Lugopoética24.

Os participantes

BALDOMERO IGLESIAS DOBARRIO, Mero (Vilalba, 1951). Profesor, cantante e escritor. Membro fundador de Fuxan os Ventos e A Quenlla, ten recollido canción tradicional por toda Galicia, e composto música como a de ‘O Carro’,que dan máis vida a poemas fundamentais. Galardoado co Pedrón de Ouro ou Facer País, o seu labor poético está recollido en libros esenciais, e tenlle deparado numerosos premios.

FRANCISCO JAVIER NEIRA PAMPÍN (Santiago, 1953). Licenciado en Medicina e Cirurxía e especialista en Uroloxía. Na actualidade, traballa en Polusa (Lugo). É membro da Sociedade Galega e Española de Uroloxía. Cultiva a pintura, a música e a escrita. Ten publicadas cinco novelas e dous libros de poemas: un en solitario -’Vaite baixo’- e outro con Xosé Carlos Ulloa, ‘Nuevo amanecer’.