O luns, presentación do libro 'BAÑOS FILMS, 70 anos de cine en Galicia'

Dentro da Semana de Cine de Lugo, o luns, ás 20,00 h., na Deputación Provcincial, vaise presentar o libro BAÑOS FILMS, 70 ANOS DE CINE EN GALICIA, do que é autor Manuel Curiel Fernández.

O libro percorre a historia das tres xeneracións da familia Baños – Emilio Baños, pai; Emilio, fillo; e os netos Emilio e Pablo – dedicados á distribución de cine en Galicia os últimos setenta anos, e vencellados á Semana de Cine de Lugo desde o seu nacemento en 1979.

Na presentación intervirá Manuel Curiel, membros da familia Baños, e representantas das institucións que apoian a Semana de Cine. O acto será de entrada libre, e os asistentes recibirán cadanseu exemplar do libro.