O sector acuícola participa na elaboración do libro blanco de Política Marítima de Galicia

Os principais representantes da acuicultura en Galicia analizaron as medidas necesarias
para potenciar este sector durante un debate organizado pola Consellería de Pesca e Asuntos Mariños esta mañá en Santiago. Esta reunión forma parte do proceso de elaboración do Libro Blanco da Política Marítima de Galicia, o “Plan Galicia do Mar”.

Análise de posibles vías de desenvolvemento do sector acuícola.-

Na xuntanza desta mañá máis de vinte directivos de compañías acuícolas, científicos, membros das administracións públicas e de organizacións profesionais trataron temas como a necesidade de potenciar marcas de calidade para os productos galegos de acuicultura ou o desenvolvemento de novas técnicas para o cultivo de especies autóctonas.

Como ootenciar a innovación tecnolóxica vinculada as empresas e desenvolver a estructura organizativa do sector foron outros dos aspectos abordados. Os asistentes mostráronse dacordo na necesidade de continuar as políticas emprendidas pola Xunta no referido á profesionalización do marisqueo e a ordenación do litoral para a instalación de empresas acuícolas. Agora, Pesca terá en conta estas aportacións, -e as feitas no resto das mesas sectoriais - para redactar a versión definitiva do Libro Blanco.

A directora xeral de Recursos Mariños, Carmen Bouso, e o director do Instituto Tecnolóxico do Mar, Juan Maneiro, foron os encargados de coordinar a reunión.

Á xuntanza estaban convocados, ademais, representantes da administración (Consellería de Pesca, Consellería de Política Territorial, Obras Públicas e Vivenda), sindicatos, organizacións profesionais relacionadas coa acuicultura (Asociación de Profesionais do Marisqueo a Pé de Galicia “AREAL”, Consello Regulador do Mexillón de Galicia, OPMEGA, AROGA, Asociación Galega de Empresarios Depuradores de Moluscos e Cluster de Acuicultura), institutos de formación e
investigación (INTECMAR, IGAFA e CIMA), a Confederación de Empresarios de Galicia e directivos de compañías de acuicultura máis importantes establecidas en Galicia.

O “Plan Galicia do Mar” é unha inciativa da Consellería de Pesca e Asuntos Marítimos co obxectivo final de convertir á Comunidade no centro do tráfico marítimo da UE. Pesca está recoller a través de mesas redondas sectoriais as contribuccións de tódolos axentes sociais para, a partir destas ideas, redactar o Libro Blanco. Ademais, os cidadáns poden realizar as súas aportacións a través da web www.ilusiondomar.com