Manuel Fraga asegura que Galicia ten un Goberno aberto e con varias xeracións dentro del
O presidente da Xunta, Manuel Fraga, asegurou nunha entrevista radiofónica que Galicia conta cun “Goberno aberto e con varias xeracións dentro del”. O máximo mandatario autonómico participou no espazo conducido por Inaki Gabilondo na Cadena Ser. Na súa intervención, destacou o labor levado da cabo polos dous vicepresidentes da Xunta asegurando que “son de primeiro orde” e que “o están facendo marabillosamente”. Neste sentido, tamén indicou que “está en plena forma” e que confía en renovar a maioría absoluta “polo ben de Galicia e de España”.
Manuel Fraga fixo mención ao grande número de “indecisos” que figuran nalgunhas das consultas populares feitas estes días por mor de coñecer a intención de voto para as vindeiras eleccións autonómicas. Neste apartado, declarou ter “esperanzas moi fundadas de gañalas” e indicou que “somos os máis votados” e que, nun sistema non proporcional como o británico a victoria “non estaría en discusión”. Neste sentido, engadiu que co actual sistema español se fai posible que “dous grupos que se odian cordialmente” se dispoñan a xuntarse e acometer “o experimento xa fracasado en Vigo e noutras partes”.
DEFENSA E CRÍTICA
Verbo do ton que está a ter a campaña electoral, o presidente galego manifestou que el está a exercer a súa defensa. Aclarou que “o atacado son eu” e que nas súas intervencións se “limita” a “criticar propostas” que lle parecen “disparatadas”. Nomeadamente, referiuse á de ir “por cada pobo ofrecendo unha consellería” e se preguntou, nese caso, “qué quedaría do Goberno autónomo”. Ratificouse sinalando que onte estivera na Mariña de Lugo, “que hoxe é unha das zonas máis desenvolvidas da nosa pesca, da nosa acuicultura”, e que os cidadán se amosaron “enchidos de asombro, por non dicir indignación” de pensar que terían que desprazarse ata Vigo “en vez de vir a Santiago” para realizar as súas xestións na Consellería de Pesca.
Rexeitando outras acusacións feitas no marco da campaña, o titular da Xunta lembrou que o candidato do Bloque Nacionalista Galego “o que ten feito é destruír o seu propio partido”. Lembrou que “o BNG tiña ao seu fronte a persoas máis ou menos discutibles pero dalgún nivel intelectual como Beiras” e que Anxo Quintana “ten acabado con todo eso”.
LOITA ANTITERRORISTA
Preguntado pola política de loita antiterrorista levada a cabo actualmente en España, Manuel Fraga destacou a situación particular de Galicia neste sentido. “Teño que dicir que os galegos, en contra do que está a pasar no País Vasco, en Cataluña, nós non temos Carod Rovira nin Ibarretxe” e que “en definitiva, aquí non se lle ocorre a ninguén sentirse diferente dos españois”. Neste sentido, dixo que “estamos tan orgullosos de Rosalía de Castro e de Pondal” como de “Valle Inclán e do premio Nobel Camilo José Cela”.
Fraga apelou ao “espírito universal” dos galegos, que non é “excluínte nin exclusivo en ningún sentido” e apuntou que se trata dunha “Galicia tranquila, onde non hai os problemas que hai noutros sitios”. “Aquí houbo un intento de crear un movemento terrorista, -lembrou- e se alguén o sabe son eu que me voou a miña casa de Perbes a ver se non viña” a Galicia. Fraga dixo que “o intento fracasou precisamente porque non ten ambiente” xustamente porque “somos moi galeguistas, profundamente rexionalistas pero non somos nacionalistas nin antiespañolistas”.
Neste contexto, o máximo mandatario galego defendeu o dereito das vítimas a manifestarse e opinar sobre a política antiterrorista del Goberno central e rexeitou as críticas de falta de lealdade. Manuel Fraga indicou que o Partido Popular se ten manifestado “na política de víctimas” que é “un tema moi específico” e engadiu que “as víctimas teñen perfecto dereito a opinar sobre esto”.
Por outra banda, o presidente galego criticou a “intrusión permanente do Goberno con ameazas de parar o Plan Galicia” e “outras veces ofrecendo propinas de última hora” vinculadas co proceso electoral. “Antes viña Felipe González ou Aznar unha vez a pechar a campaña, agora é moi difícil quitar de aquí ao señor ZP”, concluíu.
Manuel Fraga fixo mención ao grande número de “indecisos” que figuran nalgunhas das consultas populares feitas estes días por mor de coñecer a intención de voto para as vindeiras eleccións autonómicas. Neste apartado, declarou ter “esperanzas moi fundadas de gañalas” e indicou que “somos os máis votados” e que, nun sistema non proporcional como o británico a victoria “non estaría en discusión”. Neste sentido, engadiu que co actual sistema español se fai posible que “dous grupos que se odian cordialmente” se dispoñan a xuntarse e acometer “o experimento xa fracasado en Vigo e noutras partes”.
DEFENSA E CRÍTICA
Verbo do ton que está a ter a campaña electoral, o presidente galego manifestou que el está a exercer a súa defensa. Aclarou que “o atacado son eu” e que nas súas intervencións se “limita” a “criticar propostas” que lle parecen “disparatadas”. Nomeadamente, referiuse á de ir “por cada pobo ofrecendo unha consellería” e se preguntou, nese caso, “qué quedaría do Goberno autónomo”. Ratificouse sinalando que onte estivera na Mariña de Lugo, “que hoxe é unha das zonas máis desenvolvidas da nosa pesca, da nosa acuicultura”, e que os cidadán se amosaron “enchidos de asombro, por non dicir indignación” de pensar que terían que desprazarse ata Vigo “en vez de vir a Santiago” para realizar as súas xestións na Consellería de Pesca.
Rexeitando outras acusacións feitas no marco da campaña, o titular da Xunta lembrou que o candidato do Bloque Nacionalista Galego “o que ten feito é destruír o seu propio partido”. Lembrou que “o BNG tiña ao seu fronte a persoas máis ou menos discutibles pero dalgún nivel intelectual como Beiras” e que Anxo Quintana “ten acabado con todo eso”.
LOITA ANTITERRORISTA
Preguntado pola política de loita antiterrorista levada a cabo actualmente en España, Manuel Fraga destacou a situación particular de Galicia neste sentido. “Teño que dicir que os galegos, en contra do que está a pasar no País Vasco, en Cataluña, nós non temos Carod Rovira nin Ibarretxe” e que “en definitiva, aquí non se lle ocorre a ninguén sentirse diferente dos españois”. Neste sentido, dixo que “estamos tan orgullosos de Rosalía de Castro e de Pondal” como de “Valle Inclán e do premio Nobel Camilo José Cela”.
Fraga apelou ao “espírito universal” dos galegos, que non é “excluínte nin exclusivo en ningún sentido” e apuntou que se trata dunha “Galicia tranquila, onde non hai os problemas que hai noutros sitios”. “Aquí houbo un intento de crear un movemento terrorista, -lembrou- e se alguén o sabe son eu que me voou a miña casa de Perbes a ver se non viña” a Galicia. Fraga dixo que “o intento fracasou precisamente porque non ten ambiente” xustamente porque “somos moi galeguistas, profundamente rexionalistas pero non somos nacionalistas nin antiespañolistas”.
Neste contexto, o máximo mandatario galego defendeu o dereito das vítimas a manifestarse e opinar sobre a política antiterrorista del Goberno central e rexeitou as críticas de falta de lealdade. Manuel Fraga indicou que o Partido Popular se ten manifestado “na política de víctimas” que é “un tema moi específico” e engadiu que “as víctimas teñen perfecto dereito a opinar sobre esto”.
Por outra banda, o presidente galego criticou a “intrusión permanente do Goberno con ameazas de parar o Plan Galicia” e “outras veces ofrecendo propinas de última hora” vinculadas co proceso electoral. “Antes viña Felipe González ou Aznar unha vez a pechar a campaña, agora é moi difícil quitar de aquí ao señor ZP”, concluíu.
Gabinete de Comunicación da Xunta de Galicia
