ADEGA, satisfeita co acordo do Consello da Xunta paralizando dous aproveitamentos hidroeléctricos do Ulla
A Asociación para a Defensa Ecolóxica de Galiza (ADEGA) expresa a súa satisfacción por esta nova sensibilidade cara ao administrado de a pé que demostra este acordo do
Consello da Xunta, na medida en que vén subsanar unha grave irregularidade, xa apreciada polo Xulgado do Contencioso-Administrativo de Pontevedra, ao anular a Resolución de Augas de Galicia, de 23 de Abril do 2001, de modificación dunha concesión para o aproveitamento hidroeléctrico integral do río Ulla.
Trátase dun acordo que debera de ter tomado xa a Administración anterior á vista do fallo da sentenza do Tribunal Contencioso-Administrativo de Pontevedra de 26 de Abril de 2005, no canto de acompañar a UNIÓN-FENOSA no seu Recurso de Apelación.
ADEGA agarda que este sexa o primeiro paso no compromiso de revisión das novas concesións hidroeléctricas que ten prometido o goberno bipartito (río Ulla, Deza, Arnego, Oitavén, Verdugo, Landro, Lérez, etc) e que tamén o Conselleiro de Medio Ambiente, Manuel Vázquez, ten, pola súa parte, anunciado en reunión anterior que
mantivemos con el acompañando aos veciños do Ulla e do Deza.
Hoxendía a prioridade do Goberno, no que á xestión hidrolóxica se refire, ten que poñerse no saneamento dos ríos e na recuperación dos ecosistemas fluviais que reclamamos na Iniciativa Lexislativa Popular en defensa dos ríos que será debatida no Parlamento. ADEGA espera que se cumpra estritamente o compromiso recollido no acordo entre PSdG-PSOE e BNG para a formación do Goberno de que “a política de augas aplicará a Directiva Marco da Unión Europea”, o que é incompatíbel coa sobreexplotación eléctrica dos nosos ríos.
ADEGA tamén demanda a revisión do Plano Sectorial
Hidroeléctrico de Galiza-Costa, así como doutros Planos Sectoriais ambientalmente prexudiciais na súa redacción actual, como o Plano Sectorial de Parques de Tecnoloxía Alimentaria que a anterior Xunta de Galiza aprobou a toda presa durante a súa interinidade, permitindo que once dos 23 parques se poidan instalar en espazos naturais protexidos da Rede Natura 2000.
Consello da Xunta, na medida en que vén subsanar unha grave irregularidade, xa apreciada polo Xulgado do Contencioso-Administrativo de Pontevedra, ao anular a Resolución de Augas de Galicia, de 23 de Abril do 2001, de modificación dunha concesión para o aproveitamento hidroeléctrico integral do río Ulla.
Trátase dun acordo que debera de ter tomado xa a Administración anterior á vista do fallo da sentenza do Tribunal Contencioso-Administrativo de Pontevedra de 26 de Abril de 2005, no canto de acompañar a UNIÓN-FENOSA no seu Recurso de Apelación.
ADEGA agarda que este sexa o primeiro paso no compromiso de revisión das novas concesións hidroeléctricas que ten prometido o goberno bipartito (río Ulla, Deza, Arnego, Oitavén, Verdugo, Landro, Lérez, etc) e que tamén o Conselleiro de Medio Ambiente, Manuel Vázquez, ten, pola súa parte, anunciado en reunión anterior que
mantivemos con el acompañando aos veciños do Ulla e do Deza.
Hoxendía a prioridade do Goberno, no que á xestión hidrolóxica se refire, ten que poñerse no saneamento dos ríos e na recuperación dos ecosistemas fluviais que reclamamos na Iniciativa Lexislativa Popular en defensa dos ríos que será debatida no Parlamento. ADEGA espera que se cumpra estritamente o compromiso recollido no acordo entre PSdG-PSOE e BNG para a formación do Goberno de que “a política de augas aplicará a Directiva Marco da Unión Europea”, o que é incompatíbel coa sobreexplotación eléctrica dos nosos ríos.
ADEGA tamén demanda a revisión do Plano Sectorial
Hidroeléctrico de Galiza-Costa, así como doutros Planos Sectoriais ambientalmente prexudiciais na súa redacción actual, como o Plano Sectorial de Parques de Tecnoloxía Alimentaria que a anterior Xunta de Galiza aprobou a toda presa durante a súa interinidade, permitindo que once dos 23 parques se poidan instalar en espazos naturais protexidos da Rede Natura 2000.
Daniel Vispo (secretario xeral de ADEGA)
