Final Torneo Municipal de Fútbol Sala Feminino. Carral 2005

O redor das 18.00 h comezaba no Pavillón Municipal de Carral os encontros da Fase Final deste Torneo Feminino. En primeiro lugar disputouse o encontro que enfrontou ó “Mabegono” contra o “Cambre. Freixonoble” polo terceiro e cuarto posto. Tras un disputadísimo encontro que se decidiu no último minuto, o Mabegondo impúxose ó seu adversario cun resultado de 2-1. Acto seguido comezou o segundo e definitivo partido do día. A Final enfrontou ó “Carral” contra o “Máquinas Expendedoras TyJ”. Esta final, cos mesmos protagonistas que na da edición do ano pasado, resolveuse resolveuse tras un disputado encontro en favor do “Carral”, cun resultado de 2-1. Así, os resultados foron:


Os resultados do torneo foron:

1º. Carral

2º. Máquinas Expendedoras

3º. Mabegondo

4º. Cambre


Nesta edición tomaron parte na competición 7 equipos e máis de 90 deportistas de toda a comarca (A Coruña, Cambre, Abegondo, Sada, Arteixo, Mabegondo e por suposto, Carral). Este torneo disputouse o longo de todo ó mes de agosto e as primeiras semanas de setembro. Cun formato de liguiña previa e de fase final, a competición constou de máis de 30 encontros, que tiveron o seu remate onte domingo. Con estes encontros se pon fin á programación deportiva municipal do verán 2005. O obxectivo fundamental que se marcou o departamento de deportes coa realización deste evento deportivo foi o do fomento do deporte entre toda a poboación, e máis concretamente entre un sector tan discriminado nesta modalidade como o feminino.


O responsable municipal, Jesús Raso López, manifestou a súa ledicia por superar a participación do pasado verán, e, en vista do éxito acadado, agarda poder organizar un novo torneo para este Nadal.