Quintana quere que os armadores e o Goberno galego teñan representación directa na próxima reunión da NAFO
O vicepresidente da Xunta, Anxo Quintana quere que Galicia teña representación directa na reunión que a NAFO vai celebrar o día 19 en Canadá, e así llo manifestou aos representantes dos armadores dos buques conxeladores de merluza e de pesqueirías varias, cos que se reuniu. Nas augas da NAFO só faenan barcos galegos e portugueses, por iso, segundo Quintana, é un “contrasentido”, que Galicia non teña representación.
Nesta reunión, decidirase o futuro dos 31 barcos galegos que pescan fletán negro nesas augas e, os armadores, queren que se teña en conta o peso social e económico que ten este sector na economía galega.
De pecharse esa pesqueiría, perderíanse en Galicia, mil douscentos postos de traballo directos e seis mil indirectos e a economía galega deixaría de ingresar trescentos dez millóns de euros, segundo os datos dun estudo da Universidade de Vigo, que son os que manexan os armadores.
O Vicepresidente da Igualdade e do Benestar, Anxo Quintana, manifestou a necesidade de que a administración galega e os armadores “ camiñen da man” porque hai que convencer á UE de que o sector do mar é fundamental para a economía galega.
Quintana e os representantes do sector falaron tamén da necesidade de poñer en marcha novas campañas de investigación en toda a área de influencia do fletán para coñecer mellor os recursos pesqueiros. Falaron tamén de consensuar un plan de pesca para o vindeiro ano.
Nesta reunión, decidirase o futuro dos 31 barcos galegos que pescan fletán negro nesas augas e, os armadores, queren que se teña en conta o peso social e económico que ten este sector na economía galega.
De pecharse esa pesqueiría, perderíanse en Galicia, mil douscentos postos de traballo directos e seis mil indirectos e a economía galega deixaría de ingresar trescentos dez millóns de euros, segundo os datos dun estudo da Universidade de Vigo, que son os que manexan os armadores.
O Vicepresidente da Igualdade e do Benestar, Anxo Quintana, manifestou a necesidade de que a administración galega e os armadores “ camiñen da man” porque hai que convencer á UE de que o sector do mar é fundamental para a economía galega.
Quintana e os representantes do sector falaron tamén da necesidade de poñer en marcha novas campañas de investigación en toda a área de influencia do fletán para coñecer mellor os recursos pesqueiros. Falaron tamén de consensuar un plan de pesca para o vindeiro ano.
Gabinete de Comunicación da Vicepresidencia da Igualdade e do Benestar da Xunta de Galicia