Defendiendo al cavernícola é o monólogo que o galego Nancho Novo interpretará no Auditorio o 24 de setembro

Nancho Novo chega a Oleiros o sábado 24 de setembro, co seu espectáculo “Defendiendo al cavernícola”, obra orixinal de Rob Becker que chegou a ser o monólogo de maior presenza en Broadway, foi traducido a oito idiomas e leva percorrido dez países. A representación terá lugar o sábado 24 de setembro ás 21,00 horas da noite, no Auditorio "Gabriel García Márquez" en Mera, e o prezo da entrada é de 1,20 euros.

A versión española desta obra foi realizada por Eduardo Galán coa colabora do propio Nancho Novo e de Marcus Van Wachtel. Nela, o protagonista do monólogo, Nancho Novo, trasládase ata a prehistoria para contarnos, con humor, como eran entonces as relacións de parella entre os homes e as mulleres. O monólogo explora, viaxando polo humor, as diferencias entre homes e mulleres e cómo esas diferencias orixinan o non entendemento entre uns e outros.