Éxito de participación e resultados no Torneo Xadrez de Nadal 2005 Concello de Carral

O 17 de decembro tivo lugar en na Biblioteca Municipal a III edición do Torneo Nadal de Xadrez organizada polo Departamento de Deportes do Concello de Carral, coa colaboración dos clubs de xadrez de Arteixo e Sigrás. Neste torneo, xa clásico nas datas nas que nos atopamos, reuníronse un total de 33 competidores de toda a comarca. Esta cifra supón un importante incremento respecto ós 23 deportistas da pasada edición. Máis aínda se temos en conta o alto número de nenos que tomaron parte neste evento promocional.



O torneo iniciouse ó redor das 16.30 h e constou de 7 roldas a 15 min. por xogador. A sétima partida rematou sobre as 20.30, trala cal o arteixán Alejandro Ferreiro Pailos se proclamou campión absoluto, cedendo un único empate en todo o Torneo. Na categoría sub-16, saltou a sorpresa ó resultar campión o rapaz de 11 anos Manuel Rey Búa, quedando por diante de competidores de maior idade e experiencia que el. Na categoría sub-12, o campión foi Julio Fariñas Pose, que fixo un extraordinario papel o rematar sétimo na clasificación xeral. Finalmente, o premio ó mellor xogador local recaeu en José Fernández Lendoiro quen, tras un excelente torneo, rematou 4º na clasificación xeral.




Para rematar, e tendo en conta o caracter promocional deste evento, entregáronse agasallos a tódolos participantes.