Máis de 60 nenos e nenas de Carral acudiron á pista de xeo do Coliseum

O pasado 21 de xaneiro, 64 nenos e nenas de Carral acudiron a pista de xeo do Coliseum da Coruña, nunha viaxe organizada polo departamento municipal de deportes da localidade.



Con esta nova viaxe, xa clásica na programación deportiva de inverno da localidade (esta é a 6ª edición), o Concello de Carral pretende o fomento da práctica deportiva entre as poboacións máis xoves, vinculándoa sempre á mellora da saúde. Poténciase tamén a patinaxe artística, unha das disciplinas deportivas máis destacadas do municipio nos últimos anos que, xunto que judo e o fútbol, son os buques insignias do deporte carralés.



A xornada de diversión comezou o sábado o redor das 11.00 h, momento no que a expedición carralesa partiu cara a pista de xeo. Ó redor das 12.00 comezou a xornada de patinaxe na que algúns dos máis expertos participantes puideron lucirse facendo verdadeiras acrobacias sobre os patíns, e outros simplemente fixeron acrobacias para non caerse. Despois dunha hora de deslizante diversión, os nenos e nenas carralesas voltaron cara as súas casas, esgotados pola intensa, aínda que divertida actividade.Todos eles expresaron a súa ledicia polo ben que o pasaron e se mostraron impacientes desexando que pronto ser repetira unha nova visita á pista de xeo.





Por outra banda, o concellerio de deportes, Jesús M. Raso, Expresou a súa satisfacción polo éxito de participación acadado nesta edición, e agarda poder superalo o vindeiro ano.