66 concellos recibirán material para misións de protección civil, dentro do Plan Sapraga 2006
66 concellos galegos recibirán material para misións de protección civil, dentro do marco do Plan de Salvamento en Praias de Galicia (SAPRAGA), segundo se recolle nunha orde publicada na edición do 4 de xullo de 2006 do Diario Oficial de Galicia.
Neste material están incluídas distintas embarcacións, remolques, prismáticos, caixas de urxencias, floppies (brazos de rescate), bandeiras e uniformes para socorristas e voluntarios, que serán utilizados polo persoal destinado polos concellos á protección dos cidadáns e usuarios das praias da Comunidade.
Por provincias, as maiores dotacións recibiranas as provincias da Coruña e Pontevedra, que son as que máis areais teñen no seu litoral. A Coruña aumentará a súa dotación este ano cun remolque, oito embarcacións e 68 bandeiras, mentres que a provincia de Pontevedra, recibirá sete embarcacións e un novo remolque.
Pola súa banda a provincia de Lugo contará para o seu servizo de salvamento en praias con catro embarcacións, un remolque e 25 bandeiras; e a provincia de Ourense obterá unha embarcación e un remolque.
A inversión da Dirección Xeral en material destinado ao Plan SAPRAGA será este ano de 280.000 euros, o que supón un aumento do 12% en comparación co ano anterior, no que foi de 250.000 euros. Así mesmo, incorpórase por primeira vez unha partida de 50.000 euros para dotación do material de primeiros auxilios, entre os que se atopan desfibriladores semiautomáticos.
Neste material están incluídas distintas embarcacións, remolques, prismáticos, caixas de urxencias, floppies (brazos de rescate), bandeiras e uniformes para socorristas e voluntarios, que serán utilizados polo persoal destinado polos concellos á protección dos cidadáns e usuarios das praias da Comunidade.
Por provincias, as maiores dotacións recibiranas as provincias da Coruña e Pontevedra, que son as que máis areais teñen no seu litoral. A Coruña aumentará a súa dotación este ano cun remolque, oito embarcacións e 68 bandeiras, mentres que a provincia de Pontevedra, recibirá sete embarcacións e un novo remolque.
Pola súa banda a provincia de Lugo contará para o seu servizo de salvamento en praias con catro embarcacións, un remolque e 25 bandeiras; e a provincia de Ourense obterá unha embarcación e un remolque.
A inversión da Dirección Xeral en material destinado ao Plan SAPRAGA será este ano de 280.000 euros, o que supón un aumento do 12% en comparación co ano anterior, no que foi de 250.000 euros. Así mesmo, incorpórase por primeira vez unha partida de 50.000 euros para dotación do material de primeiros auxilios, entre os que se atopan desfibriladores semiautomáticos.
Gabinete de Comunicación da Consellería de Presidencia, Administracións Públicas e Xustiza da Xunta de Galicia
