Fraga de Menáncaro: Formación Selleira

Non podía ser menos pola nosa banda, dado que a conservación e proteción da Carvalleira de Menáncaro, e todo o seu contorno, é un dos nosos obxectivos.

A nosa Comunidade tamén ten feito as alegacións oportunas ao o
Proxecto normativo que regulará o Catálogo galego de árbores e
formacións senlleiras, sometido a información e audiencia pública, mediante a Resolución do 11 de Xullo de 2006, desa Dirección Xeral [publicado no DOG nº 143 do 26 de Xullo de 2006]. Para que incluan a Fraga de Menáncaro no ANEXO II do Proxecto, onde se relacionan as Formacións Senlleiras. Pois consideramos o lugar merecedor de normas protectoras específicas, dado o seu interese natural, didáctico, científico, cultural, paisaxístico e ecolóxico do conxunto do habitat natural e dalgunhas das árbores e espécimes da flora existentes na Fraga, xa que constitúe un patrimonio natural e cultural valioso, de interese público, e unha das escasísimas e reducidísimas mostras de bosque autóctono existentes no Concello de Ferrol, irrecuperábel no caso da súa destrución ou desaparición.

A actitude do Governo Municipal parece-nos positiva, mas non
suficiente, pois sobre a Fraga de Menáncaro, segue habendo unha
importante ameaza especulativa: o Plano Sectorial que pretende a
construcción de chalets na zona. Polo que instamos ao Governo
municipal do Concello de Ferrol a que paralicen dito proxecto
urbanizador e recalifiquen a Fraga como solo rustíco e comecen os
trámites diante da Xunta de Galiza para solicitar a zona como Espazo Natural Protexido.

http://menancaro.blogspot.com/