O Cetmar presenta en Camariñas un proxecto piloto das potencialidades da acuicultura na Costa da Morte
O Centro Tecnolóxico do Mar-Fundación Cetmar presenta en Camariñas, a través dunha Xornada divulgativa, un proxecto piloto sobre as potencialidades da acuicultura na Costa da Morte e en Barbate, no que participarán tanto as autoridades da administración galega e andaluza, como os axentes implicados directa ou indirectamente nesta actividade. Trátase dunha iniciativa que levan a cabo o Cetmar e a Empresa Pública de Desarrollo Agrario y Pesquero da Junta de Andalucía nestas dúas rexións, que constitúen dous expoñentes de zonas costeiras dependentes da pesca, con grande tradición e vinculación co mar e onde as novas propostas de actividades como a acuicultura poden
supoñer novas expectativas socioeconómicas e laborais para a súa poboación.
O obxectivo deste proxecto é aportar información sobre os espazos marítimos destas dúas zonas costeiras que presentan posibilidades de uso acuícola. Así mesmo, pretende facilitar, tanto á iniciativa privada como ás administracións implicadas, o coñecemento sobre a situación e o estado de ocupación dos lugares obxecto, así como as potencialidades que presenten no que ao desenvolvemento da acuicultura se refire.
Neste sentido, o estudo busca dotar ás zonas de interese do estudo dunha planificación das súas augas que, tendo en conta as súas potencialidades, as actividades económicas, culturais e sociais e a conservación do medio ambiente, permita estimar o potencial desenvolvemento da acuicultura na Costa da Morte e en Barbate.
Esta iniciativa ten como obxectivos específicos identificar as zonas nas que se desenvolven na actualidade actividades relacionadas coa acuicultura, valorando o seu grao de aproveitamento; as actividades económicas, culturais e sociais nas zonas de interese, e os aspectos medioambientais que interveñen. Así mesmo, busca analizar as potencialidades do uso acuícola tendo en conta todos os factores que interveñen; elaborar unha proposta de zonificación e planificación, así como unha estimación da evolución a medio e longo prazo da zona de estudo.
Para acadar estes obxectivos o proxecto desenvolverase en catro fases: Situación de Partida: Análise dos Traballos Previos, Mapa de Axentes e Parámetros; Delimitación Espacial e Cartografía Bioxeográfica; Análise das Zonas de Interese e Identificación das Actividades por Zonas, e Proposta de Medidas Concretas e Plan de Seguimento e Estimación da Evolución.
Xornada
A Xornada de presentación do proxecto, que se desenvolve na Casa da Pedra de Camariñas, será inaugurada oficialmente polo director xeral de Recursos Mariños, Antonio García Elorriaga, e a delegada provincial de Pesca en A Coruña, Rosa Liaño, por parte galega, e o subdirector general de Gestión de los Fondos Estructurales y Acuicultura do MAPA, por parte estatal. Dará comezo cunha ponencia inicial sobre a “Acuicultura en Galicia. Revisión da Acuicultura na Costa da Morte”, impartida por Antonio García Elorriaga.
Posteriormente, realizarase unha presentación técnica do proxecto piloto por parte de investigadores dos dous centros responsables e, de seguida, abordarase a “Caracterización do entorno da Costa da Morte. Rede Natura”, a “Experiencia de diversificación do sector pesqueiro na Costa da Morte” e a “Importancia económica e social da acuicultura. Experiencia empresarial”.
supoñer novas expectativas socioeconómicas e laborais para a súa poboación.
O obxectivo deste proxecto é aportar información sobre os espazos marítimos destas dúas zonas costeiras que presentan posibilidades de uso acuícola. Así mesmo, pretende facilitar, tanto á iniciativa privada como ás administracións implicadas, o coñecemento sobre a situación e o estado de ocupación dos lugares obxecto, así como as potencialidades que presenten no que ao desenvolvemento da acuicultura se refire.
Neste sentido, o estudo busca dotar ás zonas de interese do estudo dunha planificación das súas augas que, tendo en conta as súas potencialidades, as actividades económicas, culturais e sociais e a conservación do medio ambiente, permita estimar o potencial desenvolvemento da acuicultura na Costa da Morte e en Barbate.
Esta iniciativa ten como obxectivos específicos identificar as zonas nas que se desenvolven na actualidade actividades relacionadas coa acuicultura, valorando o seu grao de aproveitamento; as actividades económicas, culturais e sociais nas zonas de interese, e os aspectos medioambientais que interveñen. Así mesmo, busca analizar as potencialidades do uso acuícola tendo en conta todos os factores que interveñen; elaborar unha proposta de zonificación e planificación, así como unha estimación da evolución a medio e longo prazo da zona de estudo.
Para acadar estes obxectivos o proxecto desenvolverase en catro fases: Situación de Partida: Análise dos Traballos Previos, Mapa de Axentes e Parámetros; Delimitación Espacial e Cartografía Bioxeográfica; Análise das Zonas de Interese e Identificación das Actividades por Zonas, e Proposta de Medidas Concretas e Plan de Seguimento e Estimación da Evolución.
Xornada
A Xornada de presentación do proxecto, que se desenvolve na Casa da Pedra de Camariñas, será inaugurada oficialmente polo director xeral de Recursos Mariños, Antonio García Elorriaga, e a delegada provincial de Pesca en A Coruña, Rosa Liaño, por parte galega, e o subdirector general de Gestión de los Fondos Estructurales y Acuicultura do MAPA, por parte estatal. Dará comezo cunha ponencia inicial sobre a “Acuicultura en Galicia. Revisión da Acuicultura na Costa da Morte”, impartida por Antonio García Elorriaga.
Posteriormente, realizarase unha presentación técnica do proxecto piloto por parte de investigadores dos dous centros responsables e, de seguida, abordarase a “Caracterización do entorno da Costa da Morte. Rede Natura”, a “Experiencia de diversificación do sector pesqueiro na Costa da Morte” e a “Importancia económica e social da acuicultura. Experiencia empresarial”.
Gabinete de Comunicación da Consellería de Pesca e Asuntos Marítimos da Xunta de Galicia
