800 nenos da Coruña participan na Campaña de esquí 2008

As viaxes desenvolveranse en oito quendas, de sete días de duración cada unha, nas que participarán arredor de 800 nenos da provincia e que quedarán distribuidas do seguinte xeito: 1ª quenda, do 19 ó 26 de xaneiro; 2ª quenda, do 26 de xaneiro ó 2 de febreiro; 3ª quenda, do 9 ó 16 de febreiro; 4ª quenda, do 16 ó 23 de febreiro; 5ª quenda, do 23 de febreiro ó 1 de marzo; 6ª quenda, do 1 ó 8 de marzo; 7ª quenda, do 8 ó 15 de marzo; e 8ª quenda do 22 ó 29 de marzo.


A Deputación da Coruña pretende con esta campaña que os rapaces da provincia teñan a oportunidade de participar en diversas actividades relacionadas coa práctica do esquí, entre elas un curso de 10 horas de duración impartido por monitores titulados. Os participantes aloxaranse nun hotel de 3 estrelas no casco urbán de Granada e, ademáis de practicar o esquí, terán a oportunidade de realizar visitas a centros de interese como a Alhambra de Granada, o Parque das Ciencias, ou o Sacromonte.


A estación invernal de Sierra Nevada é unha das de maior capacidade de innovación artificial de Europa, conta con capacidade para 45.805 esquiadores por hora e dispón de 86 quilómetros esquiables e 86 pistas balizadas, das que 10 son moi fáciles, 35 fáciles, 35 difíciles e 5 moi difíciles. As instalacións contan ademáis con centro médico na estación, servizo de socorro, farmacia e ambulancia.













Inscrición.



Os interesados en participar deberán presentar no seu concello a ficha de inscrición debidamente cuberta e asinada polos pais ou titor do solicitante, unha foto de carné, fotocopia do libro de familia e do documento de asistencia sanitaria, xustificante de empadroamento, e unha copia do aboamento da cota de inscrición, que é de 95 €.

Na primeira quenda, que partirá hacia Sierra Nevada o vindeiro día 19 de xaneiro, partirán preto dun centenar de rapaces dos concellos de Oleiros, Bergondo, Cambre, Culleredo, Sada, Arteixo e Carral. O prazo de inscrición para esta quenda abrangue ata o vindeiro 7 de xaneiro.

Os interesados poden descargar a ficha de inscrición e obter máis información sobre a “Campaña de esquí 2008” na páxina web da Deputación www.dicoruna.es.

PROGRAMACIÓN DAS QUENDAS POR DATAS E CONCELLOS