A Biblioteca Provincial de Lugo convoca o Certame de Poesía infantil Nadal 2007

Na fase local poderán participar nenos e rapaces socios da
Biblioteca, con traballos en galego, de ata un folio por unha sóa cara, acompañándoos cunha folla co nome e demais datos do autor.

O prazo de presentación rematará o 20 de decembro, debendo ser
entregados polos seus autores na Biblioteca Provincial. Entre todos os traballos presentados, sortearase un agasallo especial.

Serán seleccionados tres traballos por cada categoría, recibindo
os autores premiados cadanseu diploma e lote de libros, e pasando a participar na fase provincial do Certame. O fallo do xurado local farase público antes do próximo 12 de xaneiro.

Fase Provincial

Na fase provincial participarán os traballos seleccionados polas
bibliotecas públicas municipais da provincia de Lugo nas respectivas fases locais, xunto cos da fase local da Biblioteca Provincial.

Os traballos seleccionados nas fases locais deberán ser recibidos
na Biblioteca Provincial antes do 14 de xaneiro, e o fallo da fase provincial farase público antes do 31 de xaneiro de 2008.

O xurado provincial adxudicará por cada categoría un total tres
premios, dotados con cadansúa estatuíña de Sargadelos e lote de libros, así como os accésits dotados con diploma e lote de libros que estime oportunos.

Cos traballos premiados na fase provincial do Certame, editarase
unha publicación, que será distribuída a través das bibliotecas
participantes.