Entregado o distintivo de calidade Comercio Galego a máis de 460 establecementos
Un total de 466 establecementos galegos recibiron o distintivo Calidade Comercio Galego, unha marca emitida pola Consellaría de Innovación e Industria, a través da súa Dirección Xeral de Comercio, coa que pretende fomentar un valor engadido e diferencial do pequeno comercio tradicional e de proximidade. O conselleiro de Innovación e Industria, Fernando Blanco, presidiu o acto de entrega celebrado no Pazo de Congresos de Santiago e no que tamén participaron a directora xeral de Comercio, Ana Rúa; o xerente da Fundación para o Fomento da Calidade Industrial e o Desenvolvemento Tecnolóxico de Galicia, Xosé Lois Villasante; o presidente da Federación Galega de Comercio, José María Seijas e o presidente do Consello Galego de Cámaras de Comercio, Francisco Cruz.
Para o conselleiro nacionalista, coa consolidación deste selo lograrase un maior fortalecemento do sector comercial, un sector cun gran peso específico na economía galega e que, segundo dixo, non pode ser alleo á consecución de maiores graos de calidade nos servizos que presta. Fernando Blanco explicou que xa no logotipo da marca identificase calidade con comercio, unha imaxe de marca colectiva que vai permitir visualizar de cara ao cliente que os establecementos que a ostenten están a ofrecer servizos de calidade. O obxectivo, segundo apuntou o titular de Innovación e Industria, é que o pequeno comercio tradicional mellore, se modernice e se adapte á nova realidade sociolóxica.
A Fundación para o Fomento da Calidade Industrial e Desenvolvemento Tecnolóxico de Galicia dependente da Consellaría foi a encargada de desenvolver as tarefas de verificación de requisitos para a obtención deste distintivo de calidade e a súa concesión, que de momento obtiveron xa 466 comercios galegos. Como condición previa para a concesión da marca os establecementos deben estar en posesión da certificación do cumprimento da norma UNE 175001, o único sistema de calidade para o comercio a nivel estatal. A Consellaría esixe ademais o cumprimento de oito dos nove requisitos específicos deste selo: coñecemento da normativa vixente en materia de comercio; ausencia de sancións nos tres últimos anos; utilización da língua galega na sinaléctica e páxina web; adhesión ao sistema arbitral de consumo; pertenza a unha asociación de comerciantes; procura da conciliación da vida laboral e familiar dos traballadores; existencia de programas de prevención de riscos laborais; supresión de barreiras arquitectónicas nos locais e medidas de aforro enerxético.
O titular de Innovación e Industria concluíu recordando que neste ano 2007 o seu departamento destinou 800.000 euros ao fomento da calidade no comercio e avanzou que este é un ámbito no que se seguirá traballando mesmo dende o punto de vista normativo, xa que no marco da Lei de Comercio Interior que se está tramitando figura un apartado que recolle as condicións en que debe realizarse a oferta comercial, para prestar un mellor servizo aos consumidores.
Para o conselleiro nacionalista, coa consolidación deste selo lograrase un maior fortalecemento do sector comercial, un sector cun gran peso específico na economía galega e que, segundo dixo, non pode ser alleo á consecución de maiores graos de calidade nos servizos que presta. Fernando Blanco explicou que xa no logotipo da marca identificase calidade con comercio, unha imaxe de marca colectiva que vai permitir visualizar de cara ao cliente que os establecementos que a ostenten están a ofrecer servizos de calidade. O obxectivo, segundo apuntou o titular de Innovación e Industria, é que o pequeno comercio tradicional mellore, se modernice e se adapte á nova realidade sociolóxica.
A Fundación para o Fomento da Calidade Industrial e Desenvolvemento Tecnolóxico de Galicia dependente da Consellaría foi a encargada de desenvolver as tarefas de verificación de requisitos para a obtención deste distintivo de calidade e a súa concesión, que de momento obtiveron xa 466 comercios galegos. Como condición previa para a concesión da marca os establecementos deben estar en posesión da certificación do cumprimento da norma UNE 175001, o único sistema de calidade para o comercio a nivel estatal. A Consellaría esixe ademais o cumprimento de oito dos nove requisitos específicos deste selo: coñecemento da normativa vixente en materia de comercio; ausencia de sancións nos tres últimos anos; utilización da língua galega na sinaléctica e páxina web; adhesión ao sistema arbitral de consumo; pertenza a unha asociación de comerciantes; procura da conciliación da vida laboral e familiar dos traballadores; existencia de programas de prevención de riscos laborais; supresión de barreiras arquitectónicas nos locais e medidas de aforro enerxético.
O titular de Innovación e Industria concluíu recordando que neste ano 2007 o seu departamento destinou 800.000 euros ao fomento da calidade no comercio e avanzou que este é un ámbito no que se seguirá traballando mesmo dende o punto de vista normativo, xa que no marco da Lei de Comercio Interior que se está tramitando figura un apartado que recolle as condicións en que debe realizarse a oferta comercial, para prestar un mellor servizo aos consumidores.
Gabinete de Comunicación da Consellería de Innovación e Industria da Xunta de Galicia
