Autorizada a prórroga do plan de recuperación do Burgo para os mariscadores a pé
O Consello da Xunta autorizou a sinatura da segunda addenda ao convenio de colaboración subscrito entre a Consellería de Pesca e Asuntos Marítimos e a Confraría de Pescadores da Coruña para a realización do Plan de recuperación da Ría do Burgo, no que participan os mariscadores a pé. Esta medida suporá ampliar ata o 31 de decembro deste ano o protocolo asinado entre os dous organismos e para o seu desenvolvemento o departamento autonómico achegará 686.631,84 euros con cargo aos Orzamentos Xerais da Comunidade Autónoma de Galicia, que poderán ser confinanciados polo Fondo Europeo da Pesca (FEP).
A actuación aprobada polo Goberno galego obedece a que o seguimento do estado sanitario das augas e as actuacións previstas non fan agardar que as condicións microbiolóxicas dos bancos marisqueiros melloren sensiblemente a medio prazo, polo que Pesca considerou conveniente prorrogar o convenio actual ata o remate de 2008, xa que a data de vixencia recollida no mesmo é o 30 de xuño. Non entanto, o acordo quedará sen efecto desde o mesmo día en que se faga efectivo o cambio de clasificación da Ría do Burgo de zona “C” a “B”, aínda que tal circunstancia se dea antes do 31 de decembro deste exercicio.
Tanto as dúas addendas como o propio convenio forman parte das iniciativas que está impulsando a Administración pesqueira galega para paliar a diminución de ingresos á que se ven abocados os traballadores do mar en varias rías galegas pola catalogación das súas zonas de produción como “C”, o que lles impide comercializar en fresco o recurso extraído nesas áreas. No caso dos mariscadores a pé da Coruña, a Consellería de Pesca xa vén desenvolvendo un plan de recuperación dende marzo do ano pasado, ao que destinou máis de 1,2 millóns de euros. Ademais, a Consellería achega, en 2008, unha contía superior aos 701.000 euros para as actividades que están levando a cabo os mariscadores dende embarcacións do pósito coruñés. Cada mariscador cobra 82 euros por xornada traballada.
Obxectivos e actividades do Plan
O Plan de recuperación da Ría do Burgo, no que participan os mariscadores a pé da confraría coruñesa, ten como finalidade manter en condicións axeitadas os bancos do intermareal; evitar a actuación impune dos furtivos e a explotación incontrolada das áreas de produción; e potenciar a profesionalización dos mariscadores, mellorando as súas condicións de traballo e seguridade, así como outras capacidades. Deste xeito, as actuacións a levar a cabo, ao igual que nos últimos meses, son accións de acondicionamento e rexeneración dos bancos, incluíndo a limpeza de mexillón e restos antropóxenos e traslados de marisco; medidas de vixilancia; e actividades formativas. Pola súa banda, a confraría deberá coordinar e controlar a distribución e realización dos traballos, baixo a supervisión dos técnicos designados pola Consellería de Pesca e Asuntos Marítimos.
Para o desenvolvemento do Plan está previsto dividir os mariscadores en tres grupos de traballo que realizarán unha das actividades en cada marea e se irán rotando de xeito que todos leven a cabo todas as iniciativas contempladas. Neste punto, cabe sinalar que o incumprimento das tarefas programadas sen xustificación e a extracción de marisco en zonas ou épocas non autorizadas dará lugar á exclusión do plan de traballo.
A actuación aprobada polo Goberno galego obedece a que o seguimento do estado sanitario das augas e as actuacións previstas non fan agardar que as condicións microbiolóxicas dos bancos marisqueiros melloren sensiblemente a medio prazo, polo que Pesca considerou conveniente prorrogar o convenio actual ata o remate de 2008, xa que a data de vixencia recollida no mesmo é o 30 de xuño. Non entanto, o acordo quedará sen efecto desde o mesmo día en que se faga efectivo o cambio de clasificación da Ría do Burgo de zona “C” a “B”, aínda que tal circunstancia se dea antes do 31 de decembro deste exercicio.
Tanto as dúas addendas como o propio convenio forman parte das iniciativas que está impulsando a Administración pesqueira galega para paliar a diminución de ingresos á que se ven abocados os traballadores do mar en varias rías galegas pola catalogación das súas zonas de produción como “C”, o que lles impide comercializar en fresco o recurso extraído nesas áreas. No caso dos mariscadores a pé da Coruña, a Consellería de Pesca xa vén desenvolvendo un plan de recuperación dende marzo do ano pasado, ao que destinou máis de 1,2 millóns de euros. Ademais, a Consellería achega, en 2008, unha contía superior aos 701.000 euros para as actividades que están levando a cabo os mariscadores dende embarcacións do pósito coruñés. Cada mariscador cobra 82 euros por xornada traballada.
Obxectivos e actividades do Plan
O Plan de recuperación da Ría do Burgo, no que participan os mariscadores a pé da confraría coruñesa, ten como finalidade manter en condicións axeitadas os bancos do intermareal; evitar a actuación impune dos furtivos e a explotación incontrolada das áreas de produción; e potenciar a profesionalización dos mariscadores, mellorando as súas condicións de traballo e seguridade, así como outras capacidades. Deste xeito, as actuacións a levar a cabo, ao igual que nos últimos meses, son accións de acondicionamento e rexeneración dos bancos, incluíndo a limpeza de mexillón e restos antropóxenos e traslados de marisco; medidas de vixilancia; e actividades formativas. Pola súa banda, a confraría deberá coordinar e controlar a distribución e realización dos traballos, baixo a supervisión dos técnicos designados pola Consellería de Pesca e Asuntos Marítimos.
Para o desenvolvemento do Plan está previsto dividir os mariscadores en tres grupos de traballo que realizarán unha das actividades en cada marea e se irán rotando de xeito que todos leven a cabo todas as iniciativas contempladas. Neste punto, cabe sinalar que o incumprimento das tarefas programadas sen xustificación e a extracción de marisco en zonas ou épocas non autorizadas dará lugar á exclusión do plan de traballo.
Gabinete de Comunicación da Consellería de Pesca e Asuntos Marítimos da Xunta de Galicia
