O Campus de Verán de Sarria acolle tres cursos sobre desenvolvemento rural, educación emocional e o Camiño de Santiago
O desenvolvemento económico da zona centro-sur da provincia de Lugo, a educación emocional e o Camiño de Santiago son as temáticas dos tres cursos da USC que se desenvolverán este verán no Concello de Sarria, tal e como foron presentados por parte do vicerreitor de Cultura, Elias Torres, e o alcalde de Sarria, Claudio Garrido.
Á presentación tamén asistiron os seus directores, así como os concelleiros de Cultura e de Educación, Xermán Arias e María del Carmen García. O prazo de inscrición está xa aberto vía Internet e os que desexen matricularse de forma presencial poderán facelo dende o día 11. O prazo pechará dez días antes do comezo do curso.
A taxa xeral de matrícula é de 120 euros para os cursos de 30 ou máis horas e de 70 para os demais. Existe ademais un prezo reducido para estudantes universitarios, persoas desempregadas e PDI e PAS da USC de 70 euros no primeiro caso e de 40 para os cursos de menos de trinta horas. Por outra banda, para facilitar a súa realización a todo o que o desexe ofertáronse 230 bolsas de matrícula gratuíta.
Desenvolvemento económico
O primeiro curso que se celebrará en Sarria leva por título ‘O desenvolvemento económico da zona centro-sur da provincia de Lugo: sectores forestal, agropecuario e servizos’ e está dirixido por José Federico García Fernández e Manuel Gómez Díaz. As clases, que representan un total de 30 horas, desenvolveranse do 9 ao 12 de xullo.
A programación dará comezo cunha análise dos recursos reais e potenciais cos que conta a comarca, entre os que figuran os forestais, agropecuarios, turísticos e de servizo, para enfatizar na necesidade da creatividade para o deseño de estratexias, desenvolvendo para elo distintas metodoloxías baseadas en experiencias propias e externas. Outros dos obxectivos do mesmo é a procura do equilibro entre desenvolvemento e respecto ao medio ambiente e facilitar a interacción entre a Universidade e o mundo empresarial.
Educación emocional
Trinta horas de duración terá tamén o segundo curso que se impartirá en Sarria, entre o 16 e o 18 de xullo co título ‘Educación emocional: a aventura de converterse en persoa. Como educar as emocións dende a familia, a escola e a sociedade’, que está dirixido por Lina Iglesias Forneiro e Mario Salvador Fernández.
O obxectivo principal desta actividade é ofrecer coñecementos e habilidades en relación coas emocións para capacitar aos individuos a enfrontar con éxito os retos da vida, para a resolución de confitos e para a convivencia en centros escolares. Así mesmo, tratará sobre os primeiros vínculos coa educación emocional a través da familia e a distinción de sensacións, estados de ánimo, sentimentos e emocións.
Camiño de Santiago
O último dos cursos que se celebrarán en Sarria, concretamente entre o 28 de xullo e o 1 de agosto, leva por título ‘Camiño de Santiago: comunicación e cultura’ e está dirixido por Luis Celeiro Álvarez.
Con esta acción formativa preténdese dar a coñecer a rota xacobea en Galicia como un espazo de comunicación e cultura; descubrir o patrimonio arquitectónico, artístico e paisaxístico do Camiño de Santiago; fortalecer o desenvolvemento dos valores de solidariedade e de amizade; coñecer e fomentar a riqueza lingüística e cultural do Camiño e contribuír ao respecto e á divulgación das características da rota xacobea como patrimonio da humanidade.
Á presentación tamén asistiron os seus directores, así como os concelleiros de Cultura e de Educación, Xermán Arias e María del Carmen García. O prazo de inscrición está xa aberto vía Internet e os que desexen matricularse de forma presencial poderán facelo dende o día 11. O prazo pechará dez días antes do comezo do curso.
A taxa xeral de matrícula é de 120 euros para os cursos de 30 ou máis horas e de 70 para os demais. Existe ademais un prezo reducido para estudantes universitarios, persoas desempregadas e PDI e PAS da USC de 70 euros no primeiro caso e de 40 para os cursos de menos de trinta horas. Por outra banda, para facilitar a súa realización a todo o que o desexe ofertáronse 230 bolsas de matrícula gratuíta.
Desenvolvemento económico
O primeiro curso que se celebrará en Sarria leva por título ‘O desenvolvemento económico da zona centro-sur da provincia de Lugo: sectores forestal, agropecuario e servizos’ e está dirixido por José Federico García Fernández e Manuel Gómez Díaz. As clases, que representan un total de 30 horas, desenvolveranse do 9 ao 12 de xullo.
A programación dará comezo cunha análise dos recursos reais e potenciais cos que conta a comarca, entre os que figuran os forestais, agropecuarios, turísticos e de servizo, para enfatizar na necesidade da creatividade para o deseño de estratexias, desenvolvendo para elo distintas metodoloxías baseadas en experiencias propias e externas. Outros dos obxectivos do mesmo é a procura do equilibro entre desenvolvemento e respecto ao medio ambiente e facilitar a interacción entre a Universidade e o mundo empresarial.
Educación emocional
Trinta horas de duración terá tamén o segundo curso que se impartirá en Sarria, entre o 16 e o 18 de xullo co título ‘Educación emocional: a aventura de converterse en persoa. Como educar as emocións dende a familia, a escola e a sociedade’, que está dirixido por Lina Iglesias Forneiro e Mario Salvador Fernández.
O obxectivo principal desta actividade é ofrecer coñecementos e habilidades en relación coas emocións para capacitar aos individuos a enfrontar con éxito os retos da vida, para a resolución de confitos e para a convivencia en centros escolares. Así mesmo, tratará sobre os primeiros vínculos coa educación emocional a través da familia e a distinción de sensacións, estados de ánimo, sentimentos e emocións.
Camiño de Santiago
O último dos cursos que se celebrarán en Sarria, concretamente entre o 28 de xullo e o 1 de agosto, leva por título ‘Camiño de Santiago: comunicación e cultura’ e está dirixido por Luis Celeiro Álvarez.
Con esta acción formativa preténdese dar a coñecer a rota xacobea en Galicia como un espazo de comunicación e cultura; descubrir o patrimonio arquitectónico, artístico e paisaxístico do Camiño de Santiago; fortalecer o desenvolvemento dos valores de solidariedade e de amizade; coñecer e fomentar a riqueza lingüística e cultural do Camiño e contribuír ao respecto e á divulgación das características da rota xacobea como patrimonio da humanidade.
Gabinete de Comunicación da USC
