Teo adxudica a mellora da administración electrónica a Informática El Corte Inglés
O Concello de Teo contrata un plan de modernización administrativa, Teo Moderniza, que ofertará trinta procedementos administrativos. O concello sacou a concurso a implantación da administración electrónica. A mesa de contratación acordou adxudicar os traballos á empresa Informática El Corte Inglés.
A administración electrónica só pretende que os veciños/as de Teo así como os profesionales da administración aproveiten as vantaxes das novas tecnoloxías. Concretamente os cidadáns poderán realizar moitos trámites dun xeito sinxelo a través dunha páxina web. A nivel interno tamén haberá unha intranet que mellorará a operatividade municipal.
Para facer realidade esto o concello disporá dunha plataforma electrónica na que se aloxarán todos os procedementos administrativos. A empresa que gañou o concurso ofertou a plataforma eSIGEM que xa está sendo utilizada pola Deputación provincial e por outros concellos e que pode permitir unha converxencia futura con outras administracións. Cabe destacar que a plataforma de tramitación electrónica será en software libre e código aberto.
O primeiro paso para a implantación será a definición dos procedementos precisos para o Concello de Teo, que o persoal da empresa coordinará co persoal municipal. O contrato Teo Moderniza contempla tamén o mantemento do soporte posterior á súa instalación así como formación aos recursos humanos municipais, aos administrados e aos dinamizadores da sociedade da información.
O contrato Teo Moderniza está dotado con 224.000 euros subvencionados por entidades supramunicipais. O financiamento destes traballos corresponden ás convocatorias de Cidades Dixitais do Plan Avanza da Consellería de Innovación e Industria, e do dModel do Ministerio de Administracións Públicas.
A administración electrónica só pretende que os veciños/as de Teo así como os profesionales da administración aproveiten as vantaxes das novas tecnoloxías. Concretamente os cidadáns poderán realizar moitos trámites dun xeito sinxelo a través dunha páxina web. A nivel interno tamén haberá unha intranet que mellorará a operatividade municipal.
Para facer realidade esto o concello disporá dunha plataforma electrónica na que se aloxarán todos os procedementos administrativos. A empresa que gañou o concurso ofertou a plataforma eSIGEM que xa está sendo utilizada pola Deputación provincial e por outros concellos e que pode permitir unha converxencia futura con outras administracións. Cabe destacar que a plataforma de tramitación electrónica será en software libre e código aberto.
O primeiro paso para a implantación será a definición dos procedementos precisos para o Concello de Teo, que o persoal da empresa coordinará co persoal municipal. O contrato Teo Moderniza contempla tamén o mantemento do soporte posterior á súa instalación así como formación aos recursos humanos municipais, aos administrados e aos dinamizadores da sociedade da información.
O contrato Teo Moderniza está dotado con 224.000 euros subvencionados por entidades supramunicipais. O financiamento destes traballos corresponden ás convocatorias de Cidades Dixitais do Plan Avanza da Consellería de Innovación e Industria, e do dModel do Ministerio de Administracións Públicas.
Cruz Devesa (Departamento de Comunicación do Concello de Teo)
