Curso de deseño gráfico

Na sociedade actual o tempo libre adquire unha importancia destacada, tanto pola súa extensión como pola súa ambivalencia, na que se fai efectiva a presenza de ocios ausentes (aburrimento), ocios nocivos (comportamentos asociais, consumo de drogas...) ou ocios socioeducativos, os cales contribúen ó desenvolvemento integral dos cidadáns. Neste senso, estudos actuais confirman a relación entre os espazos recreativos de ocio e o consumo de drogas, covirtíndose así en obxecto de la intervención preventiva. Esta iniciativa formativa pretende destacala importancia de desenvolver actuacións preventivas entorno ós círculos de interese dos máis novos.

Así, o Servizo de Prevención de Drogodependecias dos Concellos de Begonte, Outeiro de Rei e Rábade, tendo en consideración o interese e a motivación que espertan na mocidade as novas tecnoloxías e asumindo a natureza educativa do ocio, presenta o primeiro “Curso de deseño gráfico”, dirixido á poboación comprendida entre os 12 e os 18 anos.

Características do curso:

O “Curso de deseño gráfico” de 20 horas de duración, pretende conformarse como unha alernativa de ocio saudable totalmente gratuita dirixida aos mozos e mozas dos tres concellos con idades comprendidas entre os 12 e os 18 anos.

As preincricións realizaranse no Servizo de Prevención de Drogas no seguinte horario: No Concello de Rábade o Servizo sitúase no Centro Médico da Praza do 28 de Maio, estando aberto de martes a xoves en horario de 9 a 14:00 horas, e os luns e venres desde as 9 ata as 11 horas. Así mesmo, as preinscricións poderanse cubrir en Outeiro de Rei os luns de 11:30 a 14:30 horas, e en Begonte os venres de 11:30 a 14:30 horas.

O lugar de impartición será a AFER (Centro de Formación Academia Fernández), situada na Rúa Alcalde Penas, 9 de Rábade.

Esta actividade levarase a cabo durante o mes de novembro, polo que as preincricións realizaranse ata 30 de outubro, data na que haberá unha reunión no Centro Sociocultural de Rábade ás 17:30, para acordalos días e o horario que mellor se adapte ás necesidades da poboación destinataria.

As prazas son limitadas polo que se respectará a orde de inscrición.