Unanimidade nos colectivos empresariais e técnicos para un novo PXOM en Ourense

O alcalde de Ourense, Francisco Rodríguez, acompañado da súa concelleira de Urbanismo, Aurea Soto, reuniuse con representates dos constructores, patronal e colexios profesionais das áreas vinculadas ó urbanismo para tratar o proceso de redacción do novo Plan de Urbanismo da cidade, actualmente en trámite. Ó termo da reunión, os colectivos profesionais e empresariais amosáronlle ó alcalde o seu consenso coa necesidade de redactar un novo Plan de Urbanismo que sustitúa o anulado en nove sentencias xudiciais, así como o seu acordo coa folla de ruta preparada polo Goberno local para manter en marcha a construcción en Ourense ante a posible anulación definitiva do PXOM de 2003.

Á reunión asistiron os representantes do Colexio de Arquitectos de Ourense, Xan Rodríguez, Colexio de Aparexadores, Ignacio de Juan, Confederación de Empresarios de Ourense, Elixio Nieto, Confederación de Empresarios da Construcción, Juan José Molinos, así como do Colexio de Enxeñeiros.