Novas Noites regresa á Capela do Torrente Ballester como café-concerto alternativo

A concelleira de Cultura, Mercedes Carbajales, anunciou o regreso do ciclo Novas Noites. Unha proposta innovadora para as noites dos xoves coa que a Capela do Centro Cultural Torrente Ballester se transforma nun café-concerto no que as mesas e cadeiras sustitúen ás filas de butacas. Xunto a unha improvisada barra de bar, o público poderá disfrutar dunha oferta variada e alternativa que, no mes de outubro, estará cargada de blues, cabaré, novo tango, pop indie ou novo folk. Co seu espectáculo Homenaxe a Piazzolla, Tiempo Cuatro será o encargado de inaugurar o ciclo o xoves, 1 de outubro, a partires das 22 horas. Un horario que se manterá invariable durante todas as sesións. O mesmo que o prezo das entradas: a cinco euros. No caso de mercar o bono para cinco funcións o prezo se reduce ata os 3 euros por sesión. ¿Para mercar os tickets? No Punto de Información Cultural (PIC) do Teatro Jofre ou chamando ao teléfono 981. 944244. O día do concerto tamén se poderán adquirir no propio centro Torrente Ballester.

Esta será a oferta de Novas Noites para o mes de outubro:

1 de outubro. Tiempo Cuatro, co seu espectáculo de novo tango “Homenaxe a Piazzolla”. Este grupo nace como seminario de traballo no ano 2002 para profundizar no tango instrumental contemporáneo de Astor Piazzolla. Está constituído por catro músicos de sólida formación académica e dilatada experiencia artística. A fusión de estilos é o rasgo distintitivo e queda de manifesto na utilización de formas clásicas con outras máis evolucionadas. Estas misturas xeneran, contraditoriamente, un equilibrio musical que se traduce na concepción de Astor Piazzolla como Novo Tango.

8 de outubro. Victor Aneiros Band, con “Heroe Secreto”. Guitarrista, cantante e compositor é a proba vivinte de que o blues non coñece fronteiras. “Os saloucos son comúns en calquera parte do mundo e establecen relacións sólidas entre culturas estrañas”, dixo un poeta africano, pai da teoría da negritude. Así, o blues en galego ten todo o sentido do mundo. E parece telo moito máis na voz e a guitarra de alta enerxía e sen límites sobre o escenario deste músico galego.

15 de outubro. Almacabra, con “Black Cherry Burlesque”. Inspirándose nos shows dos anos 50 e cunha estética moi pin up americana nace este espectáculo pura fusión do cabaré máis burlesco coas formas máis actuais, onde se misturan músicas, cancións, malabares... Todo elo cunha linguaxe cómica-satírica con vocación pícara e exhibicionista, á procura da participación do público.

22 de outubro. Boat Beam con “Puzzle Shapes”. Boat Beam é a suma de Josephine, Alisha e Aurora. Unha australiana, unha americana e unha española. É un grupo que usa as cordas da guitarra, a viola, o chelo e o piano para tecer música que soa a Debussy e Satie pero tamén a The Cinematic Orchestra e The Divine Comedy. É un grupo que usa as súas voces para facer cancións como as que cantan Fiona Apple o Tori Amos, pero tamén como as que cantarían escritores como Sylvia Plath ou Patrick Süskind se se tivesen dedicado a isto. Boat Beam inspíranse na boa música de Jóhann Jóhannson, The Dresden Dolls e PJ Harvey, pero tamén noutras cousas exquisitas.

27 de outubro. Anni B. Sweet. A cantautora folk-pop Ana López vén sumando sen cesar afiliados ao seu clube de fans dende que colgara algunhas cancións en MySpace, e agora que ten disco oficial a súa fama só debería estalar de todo. Anni B. Sweet vén a sumarse a esa pequena nómina de artistas indies nacionais cuxa música pode chegar-afectar a un público amplo, indie e non indie.