O presidente da Xunta augura o inicio da recuperación en 2010
O presidente da Xunta de Galicia, Alberto Núñez Feijóo, foi o encargado de inaugurar
o novo curso da Fundación La Rosaleda. O titular do Goberno galego impartiu unha conferencia baixo o título “2010: unha oportunidade para Galicia” na que trasladou algunhas das medidas e oportunidades que se abren para esta Comunidade Autónoma tras a difícil situación dos últimos anos.
O acto enmárcase dentro dos ciclos de actividades non médicas Aula Aberta e Xoves Culturais polos que pasaron destacadas personalidades do mundo empresarial, cultural e político, como o magnate mexicano Olegario Vázquez Raña, o vicepresidente primeiro de Unión Fenosa, Honorato López Isla, o almirante José Ángel Sande Cortizo, o premio nacional de Literatura Infantil e Xuvenil 2006, Antonio Rodríguez Almodóvar, ou Julio Fernández Gayoso, presidente de Caixanova, entidade que colabora na organización destes ciclos.
A inauguración, na que participou tamén o presidente da Fundación La Rosaleda e ex presidente da Xunta de Galicia, Gerardo Fernández Albor, contou coa presenza de numerosas personalidades da vida política, económica, cultural e social de Galicia.
Unha nova etapa para Galicia
Durante a súa intervención, o presidente da Xunta de Galicia incidiu na necesidade de empezar unha nova etapa tras a intensa crise económica que vai supor unha reconfiguración do noso modelo de crecemento. Por iso propón a implicación de todos os axentes “políticos, económicos e sociais, así como de toda a sociedade” para aproveitar a saída da crise, “o momento en que todos partimos de cero” para pór a Galicia “por diante”.
Feijóo mostrou a súa intención de que tras o próximo debate orzamentario, se poñan as bases da “Comunidade Autónoma que queremos: unha Galicia, en definitiva, o máis parecida posible a unha Cidade Única, unha Galicia global”. Con este termo referiuse o presidente do Goberno galego á necesidade de “formular un futuro político, económico, social, ambiental e territorial nun único territorio cohesionado, e unha Galicia Cidade Única e policéntrica”.
A continuación Núñez Feijóo debullou algunhas das medidas que xa están en marcha ou que ten previsto levar a cabo a Administración autonómica para alcanzar este obxectivo e situar a Galicia “por diante”, tendo en conta a “oportunidade extraordinaria” que suporá a celebración do Xacobeo 2010.
Redución do orzamento
Tampouco esqueceu o presidente da Xunta a diminución “por primeira vez na historia da Autonomía” dos orzamentos, pero asegurou que non se debe confundir “máis diñeiro con mellor servizo” e aludiu a termos como “eficacia, eficiencia e a virtude de facer máis con menos”. Con respecto ás liñas básicas de traballo da Administración autonómica sinalou a “competitividade do tecido produtivo, o desenvolvemento sostible, o equilibrio territorial, e un sistema educativo, sanitario e de servizos sociais de calidade”.
Sobre as medidas postas en marcha polo seu executivo para facer fronte á crise asegurou que responderon ao que pedía a sociedade civil cumprindo unha estratexia que debe ir “de abaixo a arriba, desde os cidadáns para os cidadáns”, e que, máis aló de afrontar a crise “cunha certa inmediatez” forman parte dunha nova forma de gobernar “con sentido da austeridade, eficacia, eficiencia, rigor e realismo”.
“Aproveitemos este momento no que case todos partimos de cero para poñernos por diante e iniciar o proceso de cambio deste país para afrontar os retos do século XXI”, afirmou o presidente galego.
o novo curso da Fundación La Rosaleda. O titular do Goberno galego impartiu unha conferencia baixo o título “2010: unha oportunidade para Galicia” na que trasladou algunhas das medidas e oportunidades que se abren para esta Comunidade Autónoma tras a difícil situación dos últimos anos.
O acto enmárcase dentro dos ciclos de actividades non médicas Aula Aberta e Xoves Culturais polos que pasaron destacadas personalidades do mundo empresarial, cultural e político, como o magnate mexicano Olegario Vázquez Raña, o vicepresidente primeiro de Unión Fenosa, Honorato López Isla, o almirante José Ángel Sande Cortizo, o premio nacional de Literatura Infantil e Xuvenil 2006, Antonio Rodríguez Almodóvar, ou Julio Fernández Gayoso, presidente de Caixanova, entidade que colabora na organización destes ciclos.
A inauguración, na que participou tamén o presidente da Fundación La Rosaleda e ex presidente da Xunta de Galicia, Gerardo Fernández Albor, contou coa presenza de numerosas personalidades da vida política, económica, cultural e social de Galicia.
Unha nova etapa para Galicia
Durante a súa intervención, o presidente da Xunta de Galicia incidiu na necesidade de empezar unha nova etapa tras a intensa crise económica que vai supor unha reconfiguración do noso modelo de crecemento. Por iso propón a implicación de todos os axentes “políticos, económicos e sociais, así como de toda a sociedade” para aproveitar a saída da crise, “o momento en que todos partimos de cero” para pór a Galicia “por diante”.
Feijóo mostrou a súa intención de que tras o próximo debate orzamentario, se poñan as bases da “Comunidade Autónoma que queremos: unha Galicia, en definitiva, o máis parecida posible a unha Cidade Única, unha Galicia global”. Con este termo referiuse o presidente do Goberno galego á necesidade de “formular un futuro político, económico, social, ambiental e territorial nun único territorio cohesionado, e unha Galicia Cidade Única e policéntrica”.
A continuación Núñez Feijóo debullou algunhas das medidas que xa están en marcha ou que ten previsto levar a cabo a Administración autonómica para alcanzar este obxectivo e situar a Galicia “por diante”, tendo en conta a “oportunidade extraordinaria” que suporá a celebración do Xacobeo 2010.
Redución do orzamento
Tampouco esqueceu o presidente da Xunta a diminución “por primeira vez na historia da Autonomía” dos orzamentos, pero asegurou que non se debe confundir “máis diñeiro con mellor servizo” e aludiu a termos como “eficacia, eficiencia e a virtude de facer máis con menos”. Con respecto ás liñas básicas de traballo da Administración autonómica sinalou a “competitividade do tecido produtivo, o desenvolvemento sostible, o equilibrio territorial, e un sistema educativo, sanitario e de servizos sociais de calidade”.
Sobre as medidas postas en marcha polo seu executivo para facer fronte á crise asegurou que responderon ao que pedía a sociedade civil cumprindo unha estratexia que debe ir “de abaixo a arriba, desde os cidadáns para os cidadáns”, e que, máis aló de afrontar a crise “cunha certa inmediatez” forman parte dunha nova forma de gobernar “con sentido da austeridade, eficacia, eficiencia, rigor e realismo”.
“Aproveitemos este momento no que case todos partimos de cero para poñernos por diante e iniciar o proceso de cambio deste país para afrontar os retos do século XXI”, afirmou o presidente galego.
Fundación La Rosaleda
