Destínanse 18 millóns ao fomento do autoemprego duns 3.000 galegos e galegas
O Diario Oficial de Galicia (DOG) publica a orde a través da que a Consellería de Traballo e Benestar investirá 18 millóns de euros en axudas para fomentar o autoemprego, o que beneficiará a máis de 3.000 desempregados galegos e galegas. O prazo para solicitar as axudas rematará o 30 de xuño e poderán acceder ás mesmas os desempregados que se constituíron como traballadores autónomos a partires do 16 de setembro de 2009.
A iniciativa ten por finalidade fomentar o emprego autónomo entre os galegos e galegas, en tanto se considera unha vía eficaz para facilitar a incorporación ou reincorporación das persoas desempregadas ao mercado de traballo, ao tempo que se fomenta a creación de microempresas, que son as xeradoras de emprego, riqueza e benestar en Galicia.
Esta orde, cofinanciada polo Fondo Social Europeo, contén diversos tipos de axudas, entre as que se inclúen, por primeira vez, incentivos para a primeira contratación indefinida que realicen os autónomos no seu primeiro ano de actividade.
Ademais, este programa concede axudas a fondo perdido aos desempregados polo feito de constituírse en traballadores autónomos. Esta axuda pode acadar os 10.000 euros. Tamén se prevé unha axuda financeira para a reducción dos xuros do préstamo, que sexa necesario solicitar para afrontar os investimentos en inmobilizado material.
Ademais a iniciativa da Xunta conta cunha liña de financiamento parcial dos custos da formación do autónomo en xestión empresarial e nas novas tecnoloxías da información e comunicación, así como dos estudos que sexan necesarios para consolidar a viabilidade destes proxectos empresariais.
Este programa mellorase respecto ao estatal con dous axudas máis, a subvención para financiar parcialmente os gastos da posta en marcha da nova actividade e os incentivos á primeira contratación indefinida que se formalice no primeiro ano de actividade.
Hai que salientar que este programa presta especiais apoios a aquelas persoas que pertencen aos colectivos con maiores dificultades de inserción laboral: persoas con discapacidade, persoas que pertencen a colectivos en risco de exclusión social, persoas que esgotaran a prestación por desemprego, parados de longa duración, emigrantes retornados, mulleres e mozos. Algún destes traballadores poden alcanzar unha axuda máxima de 33.600 euros. Ademais, por primeira vez se ten en conta, para o calculo da contía das axudas, o feito de establecerse como autónomo no rural galego coa finalidade de apoiar a cohesión no territorio e o desenvolvemento económico no rural da Comunidade autónoma.
Este programa inscríbese no resto de iniciativas que a Consellería de Traballo e Benestar está a poñer en marcha para favorecer a situación dos autónomos galegos e dos emprendedores. Así, a través de distintos programas, o departamento autonómico destinará a este colectivo máis de 28 millóns de euros.
A iniciativa ten por finalidade fomentar o emprego autónomo entre os galegos e galegas, en tanto se considera unha vía eficaz para facilitar a incorporación ou reincorporación das persoas desempregadas ao mercado de traballo, ao tempo que se fomenta a creación de microempresas, que son as xeradoras de emprego, riqueza e benestar en Galicia.
Esta orde, cofinanciada polo Fondo Social Europeo, contén diversos tipos de axudas, entre as que se inclúen, por primeira vez, incentivos para a primeira contratación indefinida que realicen os autónomos no seu primeiro ano de actividade.
Ademais, este programa concede axudas a fondo perdido aos desempregados polo feito de constituírse en traballadores autónomos. Esta axuda pode acadar os 10.000 euros. Tamén se prevé unha axuda financeira para a reducción dos xuros do préstamo, que sexa necesario solicitar para afrontar os investimentos en inmobilizado material.
Ademais a iniciativa da Xunta conta cunha liña de financiamento parcial dos custos da formación do autónomo en xestión empresarial e nas novas tecnoloxías da información e comunicación, así como dos estudos que sexan necesarios para consolidar a viabilidade destes proxectos empresariais.
Este programa mellorase respecto ao estatal con dous axudas máis, a subvención para financiar parcialmente os gastos da posta en marcha da nova actividade e os incentivos á primeira contratación indefinida que se formalice no primeiro ano de actividade.
Hai que salientar que este programa presta especiais apoios a aquelas persoas que pertencen aos colectivos con maiores dificultades de inserción laboral: persoas con discapacidade, persoas que pertencen a colectivos en risco de exclusión social, persoas que esgotaran a prestación por desemprego, parados de longa duración, emigrantes retornados, mulleres e mozos. Algún destes traballadores poden alcanzar unha axuda máxima de 33.600 euros. Ademais, por primeira vez se ten en conta, para o calculo da contía das axudas, o feito de establecerse como autónomo no rural galego coa finalidade de apoiar a cohesión no territorio e o desenvolvemento económico no rural da Comunidade autónoma.
Este programa inscríbese no resto de iniciativas que a Consellería de Traballo e Benestar está a poñer en marcha para favorecer a situación dos autónomos galegos e dos emprendedores. Así, a través de distintos programas, o departamento autonómico destinará a este colectivo máis de 28 millóns de euros.
Gabinete de Comunicación da Xunta de Galicia
