Unhas 70 nadadoras participan no XII Campeonato de España Xuvenil de Natación Sincronizada en Ferrol
Un total de 65 nadadoras procedentes de 16 clubs nacionais participarán en Ferrol no XII Campionato de España Xuvenil de Verán de Natación Sincronizada-Trofeo Asisa, que se celebra do 28 ao 30 de maio no polideportivo municipal Javier Gómez Noya de Caranza. Así o anunciou o concelleiro de Deportes, Manuel Santiago, no acto de presentación deste novo evento deportivo que contou coa presenza do presidente do Sincro Ferrol, José Picallo, e do presidente da Federación Galega e responsable de Sincro da Federación Española de Natación, Carlos Touriño.
A competición iniciarase este venres ás 09.00 horas cos adestramentos con música e continuará coas eliminatorias de equipos e a representación das figuras. Na xornada do sábado terán lugar as eliminatorias de dúos e solos e as correspondentes finais de dúos e combinados. Finalmente, o domingo desenvolveranse as finais de solos e equipos e arredor das 12.30 horas está previsto o desfile e entrega das medallas ás gañadoras, que dará paso aos entrenamentos do equipo nacional junior de natación sincronizada.
Tal e como avanzou o presidente do Club Sincro Ferrol, José Picallo, tres nadadoras do dito club participarán nesta competición: Carla Lagoa, María Corral e Vanesa Altonaga. O resto das participantes son integrantes de diferentes clubs procedentes de Cataluña (Granollers, Mataró ou Kalipollis, de Barcelona), Madrid (El Retiro e Canoe), Sevilla (Natación Sevilla) ou Canarias (Metropol), entre outros. Todas elas ofrecerán un espectáculo de nivel tal e como destacaron os organizadores do campionato, que ao igual que o edil Manuel Santiago invitaron aos cidadáns a achegarse ata Caranza e ver as exhibicións que realizáran as nadadoras. E ao fío disto, o edil de Deportes pediu de antemán disculpas ás persoas que acoden habitualmetne á piscina de Caranza toda vez que esta permanecerá pechada ao público a partires de mañá, xoves, pola tarde.
Pola súa banda, tanto José Picallo como Carlos Touriño agradeceron ao Concello de Ferrol e concretamente ao Patronato Municipal de Deportes a súa colaboración para o desenvolvemento deste campionato contribuíndo a que Ferrol fose finalmente a sede elixida para a súa celebración (Madrid, Sevilla e Granollers competían tamén por ela).
A competición iniciarase este venres ás 09.00 horas cos adestramentos con música e continuará coas eliminatorias de equipos e a representación das figuras. Na xornada do sábado terán lugar as eliminatorias de dúos e solos e as correspondentes finais de dúos e combinados. Finalmente, o domingo desenvolveranse as finais de solos e equipos e arredor das 12.30 horas está previsto o desfile e entrega das medallas ás gañadoras, que dará paso aos entrenamentos do equipo nacional junior de natación sincronizada.
Tal e como avanzou o presidente do Club Sincro Ferrol, José Picallo, tres nadadoras do dito club participarán nesta competición: Carla Lagoa, María Corral e Vanesa Altonaga. O resto das participantes son integrantes de diferentes clubs procedentes de Cataluña (Granollers, Mataró ou Kalipollis, de Barcelona), Madrid (El Retiro e Canoe), Sevilla (Natación Sevilla) ou Canarias (Metropol), entre outros. Todas elas ofrecerán un espectáculo de nivel tal e como destacaron os organizadores do campionato, que ao igual que o edil Manuel Santiago invitaron aos cidadáns a achegarse ata Caranza e ver as exhibicións que realizáran as nadadoras. E ao fío disto, o edil de Deportes pediu de antemán disculpas ás persoas que acoden habitualmetne á piscina de Caranza toda vez que esta permanecerá pechada ao público a partires de mañá, xoves, pola tarde.
Pola súa banda, tanto José Picallo como Carlos Touriño agradeceron ao Concello de Ferrol e concretamente ao Patronato Municipal de Deportes a súa colaboración para o desenvolvemento deste campionato contribuíndo a que Ferrol fose finalmente a sede elixida para a súa celebración (Madrid, Sevilla e Granollers competían tamén por ela).
Gabinete de Comunicación del Concello de Ferrol
