A Infanta Elena visita a Escola de Equitación de Vilamarín

Acompañada doutros directivos desta entidade, Dona Elena participou na xornada de actividade ecuestre, compartindo cos alumnos a sesión de equitación e coidados do cabalo.

Con este Proxecto , a Fundación Mapfre e a Fundación Caballo Amigo promocionan a formación de nenos con discapacidade e con risco de exclusión social no deporte ecuestre dacordo ao programa de formación de xinetes da RFHE co fin de facilitar a súa futura integración nas escolas deportivas.

O Proxecto conta co apoio do CEIP Manuel Luis Acuña e coa autorización da Consellería de Educación, o que permite integran esta actividade dentro do programa escolar.

A escola de Vilamarín, ao reunir óptimas características en canto a instalacións e cualificación do persoal docente, ven desenvolvendo este programa por segundo ano consecutivo. Neste curso participaron vinte alumnos do CEIP Manuel Luis Acuña.

Ao finalizar a xornada, Dona Elena fixo entrega dos diplomas de Galope 1 aos nenos que superaron con éxito os exames.

O Centro Ecuestre agradece á Fundación Mapfre e moi especialmente á S.A.R. a infanta Dona Elena a súa colaboración e séntese especialmente honrado pola súa visita.