Núñez Feijóo garante a blindaxe dos servizos públicos en Galicia a pesar da crise
O presidente da Xunta, Alberto Núñez Feijóo, garantiu no Parlamento, a blindaxe dos servizos públicos en Galicia e destacou que “este Goberno é o goberno que máis adicou en termos porcentuais de presuposto corrente aos servizos públicos”, nos 30 anos de autonomía que estamos celebrando.
“Non deixaremos a ninguén tirado”, afirmou Feijóo, en resposta a unha pregunta do PSdeG. “Vamos blindar os servizos públicos. Na educación, máis educación; en sanidade, máis sanidade; en servizos sociais, máis servizos sociais; en dependencia, máis dependencia. Ese é o meu compromiso”, aseverou.
O responsable do Goberno galego afirmou que non só se está a blindar os servizos públicos, senón que hoxe hai máis servizos públicos que fai tres anos. E asegurou, amais, que cando finalice esta lexislatura, “en Galicia, haberá máis hospitais que cando comezamos; máis garderías; máis centros de día; máis residencias da terceira idade; máis familias cobrando a dependencia; máis prazas para os discapacitados; máis de 10.000 alumnos en formación profesional dos que había; máis de 40.000 ordenadores financiados con fondos públicos; e máis de 40.000 rapaces estudando inglés no sistema educativo público”.
Feijóo resaltou que se a Administración do Goberno central cumprira os criterios de déficit público, “como cumprimos -coas críticas do Partido socialista-, en Galicia”, agora, esa redución do déficit público e do presuposto do sector público sería menor. E lembrou que, pola contra, o Goberno galego leva cumprindo o déficit público no ano 2009 e no ano 2010. “O Goberno de España –engadiu- incumpriu o déficit público no ano 2009, no ano 2010 e todos nos tememos que tamén no ano 2011”.
O presidente da Xunta saudou os “bos desexos” para o ano próximo do voceiro do PSdeG, se ben, afirmou que lle gustaría coñecer a súa proposta no tocante a cómo avanzar nos servizos públicos. “Levo esperando tres anos. Levo esperando tres anos, onde se me di que estamos privatizando a sanidade a sabendas de que é falso; que deterioramos a educación por non pagarlle os libros ás deputadas e deputados desta Cámara; que deterioramos a sanidade simplemente por solventar unha lei estatal que deixa sen tarxeta sanitaria aos parados e que Galicia adiantouse tres meses ao problema da lexislación estatal. Acepto coa máxima responsabilidade a proposta que me fai, pero si me gustaría coñecela”.
Feijóo subliñou que se o PSdeG remite “aínda que sexan dúas propostas para manter os servizos públicos mantendo o compromiso do déficit público”, serán avaliadas en 48 horas.
“Non deixaremos a ninguén tirado”, afirmou Feijóo, en resposta a unha pregunta do PSdeG. “Vamos blindar os servizos públicos. Na educación, máis educación; en sanidade, máis sanidade; en servizos sociais, máis servizos sociais; en dependencia, máis dependencia. Ese é o meu compromiso”, aseverou.
O responsable do Goberno galego afirmou que non só se está a blindar os servizos públicos, senón que hoxe hai máis servizos públicos que fai tres anos. E asegurou, amais, que cando finalice esta lexislatura, “en Galicia, haberá máis hospitais que cando comezamos; máis garderías; máis centros de día; máis residencias da terceira idade; máis familias cobrando a dependencia; máis prazas para os discapacitados; máis de 10.000 alumnos en formación profesional dos que había; máis de 40.000 ordenadores financiados con fondos públicos; e máis de 40.000 rapaces estudando inglés no sistema educativo público”.
Feijóo resaltou que se a Administración do Goberno central cumprira os criterios de déficit público, “como cumprimos -coas críticas do Partido socialista-, en Galicia”, agora, esa redución do déficit público e do presuposto do sector público sería menor. E lembrou que, pola contra, o Goberno galego leva cumprindo o déficit público no ano 2009 e no ano 2010. “O Goberno de España –engadiu- incumpriu o déficit público no ano 2009, no ano 2010 e todos nos tememos que tamén no ano 2011”.
O presidente da Xunta saudou os “bos desexos” para o ano próximo do voceiro do PSdeG, se ben, afirmou que lle gustaría coñecer a súa proposta no tocante a cómo avanzar nos servizos públicos. “Levo esperando tres anos. Levo esperando tres anos, onde se me di que estamos privatizando a sanidade a sabendas de que é falso; que deterioramos a educación por non pagarlle os libros ás deputadas e deputados desta Cámara; que deterioramos a sanidade simplemente por solventar unha lei estatal que deixa sen tarxeta sanitaria aos parados e que Galicia adiantouse tres meses ao problema da lexislación estatal. Acepto coa máxima responsabilidade a proposta que me fai, pero si me gustaría coñecela”.
Feijóo subliñou que se o PSdeG remite “aínda que sexan dúas propostas para manter os servizos públicos mantendo o compromiso do déficit público”, serán avaliadas en 48 horas.
Gabinete de Comunicación da Xunta de Galicia
