Os encoros de abastecemento da demarcación Galicia-Costa encóntranse case ao 100% da súa capacidade

Augas de Galicia confirma que a situación das reservas de auga nos encoros de abastecemento da demarcación hidrográfica Galicia-Costa recuperáronse completamente tras as choivas rexistradas no mes de abril e no que vai de maio. As reservas nos encoros de abastecemento encóntranse ao 98,39%, o que supón máis de 10 puntos por encima do nivel no que se encontraban nas mesmas datas do ano pasado. Ademais, por primeira vez no que vai de ano, os encoros de abastecemento en conxunto ten unha ocupación maior que a media de ocupación nas mesmas datas dos últimos 5 anos, o que é unha boa noticia de cara ao verán.

Salvo os encoros de Caldas de Reis e Vilagarcía, que están en todo caso a uns bos niveis do 84,91 e 85,52% respectivamente, o resto de encoros de abastecemento presentan niveis de ocupación practicamente do 100%. Os dous de mais capacidade, Cecebre e Eiras, xa acadaron esa ocupación.

Con carácter xeral, incluíndo os encoros de uso hidroeléctrico, a ocupación actual dos mesmos alcanzan o 68,01% que contrasta coa cifra do 73,31% que se tiña no mesmo período do ano pasado e reflexa a paulatina recuperación dos niveis dos encoros máis grandes, que son os hidroeléctricos, tras un inverno moi seco.