O Sergas reduce o tempo de agarda dos enfermos graves a 17 días
O presidente do Goberno galego, Alberto Núñez Feijóo, subliñou, na rolda de prensa do Consello, a diminución do tempo de espera dos enfermos con patoloxías máis graves, a 17 días, e con patoloxías graves, a 58 días, e garantiu o compromiso de seguir traballando por unha sanidade pública galega máis eficiente. “Estamos mellorando todos os indicadores de lista de espera tanto de cirurxía como de consultas e estamos mellorando o rendemento dos hospitais do Servizo Galego de Saúde”, aseverou, logo de agradecer ao persoal sanitario e non sanitario o “excelente traballo que están a facer e que fixeron no ano 2012”.
Deste xeito, e nun primeiro termo, o titular da Xunta destacou que, no eido das patoloxías máis graves, a espera media de todos os centros sanitarios a finais do ano 2012, é de 17,2 días e de 16 días de media, nos hospitais titularidade do Servizo Galego de Saúde. “É dicir, melloramos o obxectivo nun 40% con respecto ao obxectivo do Servizo Galego de Saúde que estaba en 30 días. Con respecto ao inicio da pasada lexislatura, melloramos en 23 días a rebaixa da lista de espera das patoloxías máis graves que, en 2009, estaban en 40 días”.
No tocante ás patoloxías graves, Feijóo subliñou que o tempo medio de espera sitúase en 58,1 días; “é dicir, reducimos un 27% a lista de espera con respecto ao principio da pasada lexislatura”.
Así mesmo, precisou que a demora media en consultas externas sitúase en 55 días, o que supón 10,4 días menos que no ano anterior. “Isto supón –engadiu- 34.900 pacientes menos en lista de espera nas consultas externas; é dicir, un 19% menos”.
O responsable do Goberno galego explicou, amais, que o número de intervencións realizadas nos hospitais do Servizo Galego de Saúde en xornada ordinaria foi de 112.542 en 2012, “o maior dato de intervencións cirúrxicas desde que o Servizo Galego de Saúde ten rexistros de información”; 22.500 intervencións máis que ao principio da pasada lexislatura.
Deste xeito, e nun primeiro termo, o titular da Xunta destacou que, no eido das patoloxías máis graves, a espera media de todos os centros sanitarios a finais do ano 2012, é de 17,2 días e de 16 días de media, nos hospitais titularidade do Servizo Galego de Saúde. “É dicir, melloramos o obxectivo nun 40% con respecto ao obxectivo do Servizo Galego de Saúde que estaba en 30 días. Con respecto ao inicio da pasada lexislatura, melloramos en 23 días a rebaixa da lista de espera das patoloxías máis graves que, en 2009, estaban en 40 días”.
No tocante ás patoloxías graves, Feijóo subliñou que o tempo medio de espera sitúase en 58,1 días; “é dicir, reducimos un 27% a lista de espera con respecto ao principio da pasada lexislatura”.
Así mesmo, precisou que a demora media en consultas externas sitúase en 55 días, o que supón 10,4 días menos que no ano anterior. “Isto supón –engadiu- 34.900 pacientes menos en lista de espera nas consultas externas; é dicir, un 19% menos”.
O responsable do Goberno galego explicou, amais, que o número de intervencións realizadas nos hospitais do Servizo Galego de Saúde en xornada ordinaria foi de 112.542 en 2012, “o maior dato de intervencións cirúrxicas desde que o Servizo Galego de Saúde ten rexistros de información”; 22.500 intervencións máis que ao principio da pasada lexislatura.
Gabinete de Comunicación da Xunta de Galicia
