Os incentivos fincais da Lei do Emprendemento aplicaranse retroactivamente
O presidente da Xunta, Alberto Núñez Feijóo, anunciou a aplicación das medidas fiscais previstas na Lei do emprendemento e de competitividade económica de Galicia con carácter retroactivo desde o 1 de xaneiro deste 2013. Segundo dixo, esta decisión ratifica a vontade do Goberno galego de non ser unha traba ou unha molestia para quen decide emprender, senón “un facilitador”.
O titular da Xunta, quen presidiu a xornada organizada polo Instituto Galego de Promoción Económica (Igape) con motivo do Día do Emprendendor, detallou as medidas fiscais contempladas na Lei que se aplicarán con carácter retroactivo: a dedución do 20% do IRFP, xa establecida na Lei de Orzamentos desde ano, para os que invistan en accións ou participacións de novas empresas ou as financien con créditos; a redución do 95% no imposto sobre sucesións e doazóns de diñeiro ou outros bens para a constitución dunha nova empresa sen límite de idade; a bonificación do 75% na cota do imposto sobre patrimonio por creación de empresa ou ampliación de actividade, que se amplía aos investimentos para adquisición de participacións en novas entidades ou para préstamos que xeren dereito a dedución no IRPF; a dedución nos actos xurídicos documentados para a adquisición de locais de negocios ou para a constitución de préstamos e hipotecas; e a extensión destas medidas ás cooperativas e ás sociedades laborais.
Alberto Núñez Feijóo asegurou que todas estas iniciativas son a proba de que “a Xunta aspira a converterse en socio institucional dos emprendedores galegos”, e o fai “axilizando trámites, simplificando a burocracia, suprimindo con carácter xeral as licencias de obra, de apertura, de funcionamento e de actividade, reducindo ao mínimo as cargas impositivas ou aprobando novos incentivos fiscais; é dicir, unha baixada selectiva de 4 impostos que animen a quen teña unha idea para que a converta en realidade”.
A Administración, ao carón dos emprendedores
“Emprender non pode ser unha carreira de obstáculos administrativos”, remarcou o presidente da Xunta, e engadiu que “a Administración non pode estar enfronte senón ao lado dos galegos que dan un paso adiante”. De aí, indicou, a decisión de “eliminar con carácter xeral as licencias” e que para a posta en marcha dunha nova actividade empresarial “abonde a comunicación previa á administración municipal.
Nese marco, Feijóo destacou a importancia da creación da “Unidade Galicia Emprende” para “avaliar os novos proxectos en menos de trinta días”, mentres que os “puntos de activación empresarial permitirán que a constitución dunha nova empresa se poida facer en 24 horas”.
Así mesmo, resaltou a activación dun fondo de capital risco específico e a habilitación de microcréditos para emprendedores co obxectivo de mobilizar entre ambas as dúas ferramentas 15 millóns de euros.
En sintonía coa nova lexislación estatal
Na súa intervención, o titular da Xunta enfatizou que a cooperación “pioneira” entre emprendedores e Administración está plasmada nunha “revisión normativa que cambia radicalmente a posición dos poderes públicos, tanto a nivel autonómico coa Lei do emprendemento, como a nivel nacional co proxecto lexislativo que o pasado venres presentou o Goberno.
A ese respecto, puxo en valor a sintonía da norma galega coa estatal, que prevé a creación da figura do emprendedor con responsabilidade limitada, a creación da figura da sociedade limitada de formación sucesiva, ou a decisión de que as pemes e os autónomos non paguen o IVE das facturas ata que non o cobren.
Segundo dixo, ambas as normas nacen da convicción compartida de que “un país non consiste soamente en vivir xuntos, senón en facer cousas xuntos, en loitar xuntos, en soñar xuntos e en constituír xuntos realidades”.
Día do Emprendedor
No Día Emprendedor, organizado polo Igape, están a participar máis de mil emprendedores, empresarios, estudantes e especialistas. A xornada inclúe varios itinerarios para mostrar exemplos de emprendemento con éxito, para promover novas oportunidades de creación de empresas ou para amosar as diferentes vías de acceso ao financiamento. Tamén se adestra a novos emprendedores nas habilidades necesarias para poñer en marcha novas empresas, e inclúense actividades centradas na importancia e as posibilidades da cooperación no eido do emprendemento.
O encontro contou cun relatorio de Pilar Jericó, especialista en estratexia e organización de empresas, profesora en escolas de negocio no Instituto de Empresa, ESADE e Universidade Carlos III, e autora de textos de referencia no ámbito da xestión empresarial e, especialmente, no referido á xestión do talento.
O titular da Xunta, quen presidiu a xornada organizada polo Instituto Galego de Promoción Económica (Igape) con motivo do Día do Emprendendor, detallou as medidas fiscais contempladas na Lei que se aplicarán con carácter retroactivo: a dedución do 20% do IRFP, xa establecida na Lei de Orzamentos desde ano, para os que invistan en accións ou participacións de novas empresas ou as financien con créditos; a redución do 95% no imposto sobre sucesións e doazóns de diñeiro ou outros bens para a constitución dunha nova empresa sen límite de idade; a bonificación do 75% na cota do imposto sobre patrimonio por creación de empresa ou ampliación de actividade, que se amplía aos investimentos para adquisición de participacións en novas entidades ou para préstamos que xeren dereito a dedución no IRPF; a dedución nos actos xurídicos documentados para a adquisición de locais de negocios ou para a constitución de préstamos e hipotecas; e a extensión destas medidas ás cooperativas e ás sociedades laborais.
Alberto Núñez Feijóo asegurou que todas estas iniciativas son a proba de que “a Xunta aspira a converterse en socio institucional dos emprendedores galegos”, e o fai “axilizando trámites, simplificando a burocracia, suprimindo con carácter xeral as licencias de obra, de apertura, de funcionamento e de actividade, reducindo ao mínimo as cargas impositivas ou aprobando novos incentivos fiscais; é dicir, unha baixada selectiva de 4 impostos que animen a quen teña unha idea para que a converta en realidade”.
A Administración, ao carón dos emprendedores
“Emprender non pode ser unha carreira de obstáculos administrativos”, remarcou o presidente da Xunta, e engadiu que “a Administración non pode estar enfronte senón ao lado dos galegos que dan un paso adiante”. De aí, indicou, a decisión de “eliminar con carácter xeral as licencias” e que para a posta en marcha dunha nova actividade empresarial “abonde a comunicación previa á administración municipal.
Nese marco, Feijóo destacou a importancia da creación da “Unidade Galicia Emprende” para “avaliar os novos proxectos en menos de trinta días”, mentres que os “puntos de activación empresarial permitirán que a constitución dunha nova empresa se poida facer en 24 horas”.
Así mesmo, resaltou a activación dun fondo de capital risco específico e a habilitación de microcréditos para emprendedores co obxectivo de mobilizar entre ambas as dúas ferramentas 15 millóns de euros.
En sintonía coa nova lexislación estatal
Na súa intervención, o titular da Xunta enfatizou que a cooperación “pioneira” entre emprendedores e Administración está plasmada nunha “revisión normativa que cambia radicalmente a posición dos poderes públicos, tanto a nivel autonómico coa Lei do emprendemento, como a nivel nacional co proxecto lexislativo que o pasado venres presentou o Goberno.
A ese respecto, puxo en valor a sintonía da norma galega coa estatal, que prevé a creación da figura do emprendedor con responsabilidade limitada, a creación da figura da sociedade limitada de formación sucesiva, ou a decisión de que as pemes e os autónomos non paguen o IVE das facturas ata que non o cobren.
Segundo dixo, ambas as normas nacen da convicción compartida de que “un país non consiste soamente en vivir xuntos, senón en facer cousas xuntos, en loitar xuntos, en soñar xuntos e en constituír xuntos realidades”.
Día do Emprendedor
No Día Emprendedor, organizado polo Igape, están a participar máis de mil emprendedores, empresarios, estudantes e especialistas. A xornada inclúe varios itinerarios para mostrar exemplos de emprendemento con éxito, para promover novas oportunidades de creación de empresas ou para amosar as diferentes vías de acceso ao financiamento. Tamén se adestra a novos emprendedores nas habilidades necesarias para poñer en marcha novas empresas, e inclúense actividades centradas na importancia e as posibilidades da cooperación no eido do emprendemento.
O encontro contou cun relatorio de Pilar Jericó, especialista en estratexia e organización de empresas, profesora en escolas de negocio no Instituto de Empresa, ESADE e Universidade Carlos III, e autora de textos de referencia no ámbito da xestión empresarial e, especialmente, no referido á xestión do talento.
Gabinete de Comunicación da Xunta de Galicia
