A Cidade da Cultura enche os seus espazos con catro exposicións simultáneas
O conselleiro de Cultura, Educación e Ordenación Universitaria, Xesús Vázquez Abad, visitou na Biblioteca de Galicia a exposición Rosalía de Castro. 150 º aniversario de Cantares Gallegos, organizada pola Consellería a través da Secretaría Xeral de Cultura e que conmemora os 150 anos da primeira edición da obra capital da escritora de Padrón. A mostra, centrada no poemario de Rosalía de Castro, propón un percorrido pola evolución da obra a través das súas edicións desde 1863 ata a actualidade, de traducións, de propostas críticas, de versións musicais e de diverso material efémero que permiten mergullarse nos seus versos e nas circunstancias que os rodearon nos seus 150 anos de existencia. No seu percorrido, o titular de Cultura e Educación estivo acompañado polo secretario xeral de Cultura, Anxo Lorenzo, quen inaugurou a mostra o pasado 5 de maio de 2013; e mais por unha representante da Fundación Rosalía de Castro, Ana Blanco.
Coa súa visita á mostra, o conselleiro reivindicou novamente a importancia que ten 2013 para a cultura galega, un ano no que se celebran o 150 aniversario da publicación de Cantares Gallegos a través dunha densa programación froito da colaboración entre diversas institucións como a Real Academia Galega, o Consello da Cultura Galega e a Xunta de Galicia, entre outras. Vázquez recordou que a exposición sobre Rosalía permanecerá aberta ata o vindeiro mes de xullo, polo que aínda queda un mes para poder contemplar os exemplares singulares e de gran valor de Cantares Gallegos que configuran o percorrido pola historia editorial da obra. Deste xeito, Xesús Vázquez Abad animou a todas as galegas e galegos a achegarse ao Gaiás para contemplar as tres mostras que a Cidade da Cultura propón na súa programación: Rosalía de Castro. 150.º aniversario de Cantares Gallegos na Biblioteca de Galicia, Orinoco. Viaxe a un mundo perdido no Museo de Galicia e Patrimonio documentado: a protección e intervención nos bens culturais a través dos documentos dos arquivos no espazo do Arquivo.
Orinoco no Museo
Ademais da exposición Rosalía de Castro. 150 º aniversario de Cantares Gallegos' a Cidade da Cultura ofrece no Museo de Galicia Orinoco. Viaxe a un mundo perdido, unha das mostras de arte étnica latinoamericana máis importantes do mundo que constitúe unha homenaxe excepcional á tradición cultural e ao patrimonio material das doce etnias que habitan o Amazonas venezolano. A mostra, inaugurada o pasado 27 de maio poderá visitarse ata o vindeiro 12 de xaneiro de 2014.
Patrimonio documentado no Arquivo de Galicia
Cómpre sinalar tamén a inminente inauguración da mostra 'Patrimonio documentado: a protección e intervención nos bens culturais a través dos documentos dos arquivos' que terá lugar o vindeiro venres 7 de xuño no Arquivo de Galicia. Con este discurso expositivo, a Xunta de Galicia concreta a súa celebración do Día Internacional dos Arquivos que o Consello Internacional dos Arquivos conmemora cada 9 de xuño desde 2007.
Esta exposición pretende contribuír á visibilidade e coñecemento do patrimonio documental que se custodia nos arquivos. A exposición, que permanecerá aberta ata o vindeiro 7 de outubro, busca ofrecer unha aproximación ao tema do concepto de patrimonio cultural, á súa evolución, especialmente desde o momento da creación das Comisións do Patrimonio Histórico e Artístico en 1844, así como á súa realidade da protección e intervención, na actualidade.
Ramón Conde nas Torres Hejduk
A mostra 'Emoción-Razón: A gran dualidade' de Ramón Conde atravesa os seus últimos días no Gaiás. Esta intervención artística a través da cal o artista ourensán volve valerse da arte para transmitir vivencias e estados emocionais poderá visitarse de balde ata o 9 de xuño. Ramón Conde ofrece unha reflexión sobre as forzas dos mitos, as relixións e moitas ideas sociais que non teñen máis realidade tanxible que a forza da convicción grupal.
Coa súa visita á mostra, o conselleiro reivindicou novamente a importancia que ten 2013 para a cultura galega, un ano no que se celebran o 150 aniversario da publicación de Cantares Gallegos a través dunha densa programación froito da colaboración entre diversas institucións como a Real Academia Galega, o Consello da Cultura Galega e a Xunta de Galicia, entre outras. Vázquez recordou que a exposición sobre Rosalía permanecerá aberta ata o vindeiro mes de xullo, polo que aínda queda un mes para poder contemplar os exemplares singulares e de gran valor de Cantares Gallegos que configuran o percorrido pola historia editorial da obra. Deste xeito, Xesús Vázquez Abad animou a todas as galegas e galegos a achegarse ao Gaiás para contemplar as tres mostras que a Cidade da Cultura propón na súa programación: Rosalía de Castro. 150.º aniversario de Cantares Gallegos na Biblioteca de Galicia, Orinoco. Viaxe a un mundo perdido no Museo de Galicia e Patrimonio documentado: a protección e intervención nos bens culturais a través dos documentos dos arquivos no espazo do Arquivo.
Orinoco no Museo
Ademais da exposición Rosalía de Castro. 150 º aniversario de Cantares Gallegos' a Cidade da Cultura ofrece no Museo de Galicia Orinoco. Viaxe a un mundo perdido, unha das mostras de arte étnica latinoamericana máis importantes do mundo que constitúe unha homenaxe excepcional á tradición cultural e ao patrimonio material das doce etnias que habitan o Amazonas venezolano. A mostra, inaugurada o pasado 27 de maio poderá visitarse ata o vindeiro 12 de xaneiro de 2014.
Patrimonio documentado no Arquivo de Galicia
Cómpre sinalar tamén a inminente inauguración da mostra 'Patrimonio documentado: a protección e intervención nos bens culturais a través dos documentos dos arquivos' que terá lugar o vindeiro venres 7 de xuño no Arquivo de Galicia. Con este discurso expositivo, a Xunta de Galicia concreta a súa celebración do Día Internacional dos Arquivos que o Consello Internacional dos Arquivos conmemora cada 9 de xuño desde 2007.
Esta exposición pretende contribuír á visibilidade e coñecemento do patrimonio documental que se custodia nos arquivos. A exposición, que permanecerá aberta ata o vindeiro 7 de outubro, busca ofrecer unha aproximación ao tema do concepto de patrimonio cultural, á súa evolución, especialmente desde o momento da creación das Comisións do Patrimonio Histórico e Artístico en 1844, así como á súa realidade da protección e intervención, na actualidade.
Ramón Conde nas Torres Hejduk
A mostra 'Emoción-Razón: A gran dualidade' de Ramón Conde atravesa os seus últimos días no Gaiás. Esta intervención artística a través da cal o artista ourensán volve valerse da arte para transmitir vivencias e estados emocionais poderá visitarse de balde ata o 9 de xuño. Ramón Conde ofrece unha reflexión sobre as forzas dos mitos, as relixións e moitas ideas sociais que non teñen máis realidade tanxible que a forza da convicción grupal.
Gabinete de Comunicación da Xunta de Galicia
