A crise demográfica, prioridade estratéxica de Galicia ante a Unión Europea
O director xeral de Relacións Exteriores e coa UE e director da Fundación Galicia Europa, Jesús Gamallo, participou en Bruxelas no 104º Pleno do Comité das Rexións (CdR), no que se aprobaron as prioridades políticas deste órgano para o ano 2014. A proposta da Xunta de Galicia xunto con outras tres rexións españolas, o CdR acordou elevar á Comisión Europea a recomendación de fomentar o emprego dos novos programas financeiros a favor de estratexias para afrontar os retos da crise demográfica europea.
Con esta iniciativa, Galicia avanza na concienciación suprarrexional e europea á respecto do problema demográfico, considerado como un dos retos políticos, económicos e sociais máis transcendentes para o futuro da Unión Europea. A inclusión dos retos da crise demográfica, xa identificados coma un obxectivo relevante no contexto dos fondos estruturais e outras políticas da UE, entre as prioridades políticas do Comité das Rexións abre a porta a futuras actividades e iniciativas sobre esta materia no programa de traballo do CdR do vindeiro ano.
Esta proposta, ademais, supón un paso máis tras a declaración institucional por un pacto demográfico, firmada en Oviedo o pasado día 28 de outubro polos gobernos de Castilla y León, Aragón, Asturias e Galicia, na que se acordaron diversas actuacións para a loita contra o declive da poboación. No eido comunitario e tal e como acordaron os representantes políticos das rexións implicadas, as medidas a favor dunha estratexia polo cambio demográfico deberán agora ser incluídas nas Estratexias Rexionais de Especialización Intelixente, no Contrato de Asociación entre o Estado e a Comisión Europea e nos futuros programas operativos rexionais. Deste xeito, será posible empregar o financiamento os fondos estruturais e de investimento europeos para levar a cabo estratexias contra a despoboamento e favorecer o recambio xeracional.
Impulso áacuicultura e ás estratexias macrorrexionais
Galicia tamén participou activamente noutros asuntos destacados da sesión plenaria, presentando 20 emendas a catro ditames de interese e incidencia na nosa Comunidade. É o caso do ditame para o desenvolvemento sostible da acuicultura na UE, na que a Xunta impulsou modificacións orientadas a garantir un marco igualitario en materia de normativa sanitaria, laboral e ambiental, tanto para os produtos producidos na UE como para os importados, a fin de evitar situacións de dumping.
Doutra banda, Galicia defendeu a inclusión da Estratexia Marítima integrada para o Atlántico entre as mencionadas no ditame sobre o valor engadido das estratexias macrorrexionais, o que permitirá que esta plataforma de colaboración entre as rexións da área atlántica sexa recoñecida como un instrumento eficaz na consecución de sinerxías e coordinación no emprego dos recursos, sen necesidade de crear novos niveis administrativos interrexionais.
O ditame sobre axudas estatais ao sector pesqueiro tamén foi seguido atentamente pola Xunta de Galicia, que propuxo seis emendas ao seu contido para facer notar a necesidade de incluír nos criterios de reparto das axudas as actividades de pesca artesanal ou marisqueo a pé, así como para solicitar que se permitan as axudas nos casos en que a falta de sostibilidade da actividade sexa debida a causas alleas, como a presenza de biotoxinas.
Galicia tamén avougou por introducir criterios de simplificación na xestión das axudas de urxencia, neste caso dentro do debate do ditame sobre o Fondo de Solidariedade da Unión Europea. Tal e como defendeu a Xunta de Galicia no Comité das Rexións, resulta moi apropiado reducir o custe da carga da xestión administrativa de aloxamentos, manutención ou sanidade, en situacións de emerxencia ou necesidade.
O pleno de Comité das Rexións tamén debateu e aprobou, entre outros, varios ditames cuxo contido e recomendacións resultan relevantes para os intereses galegos. Tal é o caso da opinión do CdR a respecto das axudas estatais aos aeroportos e as compañías aéreas, o marco para a futura política portuaria da UE ou o plan por unha industria siderúrxica competitiva e sostible en Europa.
O Comité das Rexións
O Comité das Rexións é a asemblea consultiva comunitaria na que están representados os entes locais e rexionais da Unión Europea. Está composto por 344 membros, 21 dos cales son españois. En representación da Comunidade Autónoma de Galicia, o membro titular é o propio Presidente da Xunta de Galicia, mentres que o cargo de membro suplente recae no Director Xeral de Relacións Exteriores e coa UE. Na actualidade Galicia participa en dúas das seis comisións do Comité das Rexións, na comisión de Cidadanía, Gobernanza, Asuntos Institucionais e Exteriores (CIVEX) e na comisión de Cohesión Territorial (COTER). A Fundación Galicia Europa A Fundación Galicia Europa realiza labores de asesoramento e apoio á participación galega no Comité das Rexións, tanto nas comisións de Cidadanía, Gobernanza, Asuntos Institucionais e Exteriores do Comité das Rexións (CIVEX) e COTER, como nas sesións plenarias deste órgano comunitario.
Con esta iniciativa, Galicia avanza na concienciación suprarrexional e europea á respecto do problema demográfico, considerado como un dos retos políticos, económicos e sociais máis transcendentes para o futuro da Unión Europea. A inclusión dos retos da crise demográfica, xa identificados coma un obxectivo relevante no contexto dos fondos estruturais e outras políticas da UE, entre as prioridades políticas do Comité das Rexións abre a porta a futuras actividades e iniciativas sobre esta materia no programa de traballo do CdR do vindeiro ano.
Esta proposta, ademais, supón un paso máis tras a declaración institucional por un pacto demográfico, firmada en Oviedo o pasado día 28 de outubro polos gobernos de Castilla y León, Aragón, Asturias e Galicia, na que se acordaron diversas actuacións para a loita contra o declive da poboación. No eido comunitario e tal e como acordaron os representantes políticos das rexións implicadas, as medidas a favor dunha estratexia polo cambio demográfico deberán agora ser incluídas nas Estratexias Rexionais de Especialización Intelixente, no Contrato de Asociación entre o Estado e a Comisión Europea e nos futuros programas operativos rexionais. Deste xeito, será posible empregar o financiamento os fondos estruturais e de investimento europeos para levar a cabo estratexias contra a despoboamento e favorecer o recambio xeracional.
Impulso áacuicultura e ás estratexias macrorrexionais
Galicia tamén participou activamente noutros asuntos destacados da sesión plenaria, presentando 20 emendas a catro ditames de interese e incidencia na nosa Comunidade. É o caso do ditame para o desenvolvemento sostible da acuicultura na UE, na que a Xunta impulsou modificacións orientadas a garantir un marco igualitario en materia de normativa sanitaria, laboral e ambiental, tanto para os produtos producidos na UE como para os importados, a fin de evitar situacións de dumping.
Doutra banda, Galicia defendeu a inclusión da Estratexia Marítima integrada para o Atlántico entre as mencionadas no ditame sobre o valor engadido das estratexias macrorrexionais, o que permitirá que esta plataforma de colaboración entre as rexións da área atlántica sexa recoñecida como un instrumento eficaz na consecución de sinerxías e coordinación no emprego dos recursos, sen necesidade de crear novos niveis administrativos interrexionais.
O ditame sobre axudas estatais ao sector pesqueiro tamén foi seguido atentamente pola Xunta de Galicia, que propuxo seis emendas ao seu contido para facer notar a necesidade de incluír nos criterios de reparto das axudas as actividades de pesca artesanal ou marisqueo a pé, así como para solicitar que se permitan as axudas nos casos en que a falta de sostibilidade da actividade sexa debida a causas alleas, como a presenza de biotoxinas.
Galicia tamén avougou por introducir criterios de simplificación na xestión das axudas de urxencia, neste caso dentro do debate do ditame sobre o Fondo de Solidariedade da Unión Europea. Tal e como defendeu a Xunta de Galicia no Comité das Rexións, resulta moi apropiado reducir o custe da carga da xestión administrativa de aloxamentos, manutención ou sanidade, en situacións de emerxencia ou necesidade.
O pleno de Comité das Rexións tamén debateu e aprobou, entre outros, varios ditames cuxo contido e recomendacións resultan relevantes para os intereses galegos. Tal é o caso da opinión do CdR a respecto das axudas estatais aos aeroportos e as compañías aéreas, o marco para a futura política portuaria da UE ou o plan por unha industria siderúrxica competitiva e sostible en Europa.
O Comité das Rexións
O Comité das Rexións é a asemblea consultiva comunitaria na que están representados os entes locais e rexionais da Unión Europea. Está composto por 344 membros, 21 dos cales son españois. En representación da Comunidade Autónoma de Galicia, o membro titular é o propio Presidente da Xunta de Galicia, mentres que o cargo de membro suplente recae no Director Xeral de Relacións Exteriores e coa UE. Na actualidade Galicia participa en dúas das seis comisións do Comité das Rexións, na comisión de Cidadanía, Gobernanza, Asuntos Institucionais e Exteriores (CIVEX) e na comisión de Cohesión Territorial (COTER). A Fundación Galicia Europa A Fundación Galicia Europa realiza labores de asesoramento e apoio á participación galega no Comité das Rexións, tanto nas comisións de Cidadanía, Gobernanza, Asuntos Institucionais e Exteriores do Comité das Rexións (CIVEX) e COTER, como nas sesións plenarias deste órgano comunitario.
Gabinete de Comunicación da Xunta de Galicia
