A Xunta pecha 2013 cun pago medio a proveedores de 26.8 días (-40%)
O presidente da Xunta, Alberto Núñez Feijóo, destacou, na rolda de prensa do Consello, a xestión responsable da Xunta ao pechar 2013 cun pago medio aos provedores por baixo dos 30 días, concretamente, 26,8 días, un 40% menos que no ano anterior. Deste xeito, constatou que os esforzos feitos por Galicia en materia financeira están dando resultados e converteron á Comunidade na máis solvente de toda España e na única que se moveu sempre no contorno da estabilidade orzamentaria desde o comezo da crise.
O titular da Xunta resaltou que ter as contas saneadas é positivo porque acredita que Galicia é unha Comunidade solvente e xera confianza nos investidores; “porque executamos mellor os investimentos previstos”; e “porque pagamos en menor prazo aos nosos provedores”.
En total, a Xunta atendeu durante o pasado exercicio 176.000 pagamentos por importe de 8.803 millóns de euros cun primeiro obxectivo: atender a aqueles que máis precisan liquidez, é dicir, dando prioridade aos pequenos provedores, aos empresarios autónomos, ás pequenas e medianas empresas e ás entidades sociais.
“E, en segundo lugar –dixo Feijóo, tamén tentamos cumprir un obxectivo macro que é ter unha demora media nos pagamentos desde que a factura entra na Tesourería da Comunidade Autónoma, moi por debaixo da media do resto das comunidades autónomas”. Así, o período medio de pagamentos en Galicia durante o ano 2013 foi de 26,8 días, situándose no contorno dos 30 días.
Os máis de 8.800 millóns de euros xa pagados pola Administración galega en 2013 dedicáronse, basicamente, ás universidades, á Risga, ao Fondo de Cooperación Local, aos gastos de funcionamento dos centros educativos, ao transporte escolar, aos libros de texto, ao pagamento das farmacias, aos centros hospitalarios concertados e á atención á dependencia e á discapacidade.
Feijóo salientou a importancia da cantidade aboada, que representa o 15,72% do PIB autonómico. Polo tanto, argumentou, “se estamos pagando nos prazos e isto afecta ao 15,72% do PIB de Galicia estamos, sen ningunha dúbida, colaborando a unha mellor situación financeira das empresas e dos provedores da Xunta”. Ademais, destacou a mellor evolución respecto ao ano pasado, ao baixar a demora media nos pagamentos nun 40%, con cifras que superaban os 40 días.
O presidente do Executivo autonómico afirmou que este nivel razoable de pagamento a provedores está sendo compatible cun ritmo axeitado dos investimentos. Non en van, os últimos datos do Ministerio de Facenda indican que o nivel de pagamentos da Administración galega no capítulo de investimentos reais se situou no 82,1% ao peche do terceiro trimestre de 2013, 12 puntos mellor que a media das comunidades. Así mesmo, Galicia rexistra tamén un nivel de execución do orzamento do total de presupostos que é 8,3 puntos superior á media das comunidades autónomas.
Ante estas cifras, Feijóo expresou a satisfacción de que Galicia estea a executar os orzamentos a un nivel razoable, compatibilizándoo co control do déficit; coa capacidade de seguir financiándonos no mercado tradicional, sendo unha das poucas comunidades que non ten que acudir aos instrumentos de rescate do Estado; e compatibilizando pagar os compromisos de gasto con manter os servizos públicos.
O titular da Xunta resaltou que ter as contas saneadas é positivo porque acredita que Galicia é unha Comunidade solvente e xera confianza nos investidores; “porque executamos mellor os investimentos previstos”; e “porque pagamos en menor prazo aos nosos provedores”.
En total, a Xunta atendeu durante o pasado exercicio 176.000 pagamentos por importe de 8.803 millóns de euros cun primeiro obxectivo: atender a aqueles que máis precisan liquidez, é dicir, dando prioridade aos pequenos provedores, aos empresarios autónomos, ás pequenas e medianas empresas e ás entidades sociais.
“E, en segundo lugar –dixo Feijóo, tamén tentamos cumprir un obxectivo macro que é ter unha demora media nos pagamentos desde que a factura entra na Tesourería da Comunidade Autónoma, moi por debaixo da media do resto das comunidades autónomas”. Así, o período medio de pagamentos en Galicia durante o ano 2013 foi de 26,8 días, situándose no contorno dos 30 días.
Os máis de 8.800 millóns de euros xa pagados pola Administración galega en 2013 dedicáronse, basicamente, ás universidades, á Risga, ao Fondo de Cooperación Local, aos gastos de funcionamento dos centros educativos, ao transporte escolar, aos libros de texto, ao pagamento das farmacias, aos centros hospitalarios concertados e á atención á dependencia e á discapacidade.
Feijóo salientou a importancia da cantidade aboada, que representa o 15,72% do PIB autonómico. Polo tanto, argumentou, “se estamos pagando nos prazos e isto afecta ao 15,72% do PIB de Galicia estamos, sen ningunha dúbida, colaborando a unha mellor situación financeira das empresas e dos provedores da Xunta”. Ademais, destacou a mellor evolución respecto ao ano pasado, ao baixar a demora media nos pagamentos nun 40%, con cifras que superaban os 40 días.
O presidente do Executivo autonómico afirmou que este nivel razoable de pagamento a provedores está sendo compatible cun ritmo axeitado dos investimentos. Non en van, os últimos datos do Ministerio de Facenda indican que o nivel de pagamentos da Administración galega no capítulo de investimentos reais se situou no 82,1% ao peche do terceiro trimestre de 2013, 12 puntos mellor que a media das comunidades. Así mesmo, Galicia rexistra tamén un nivel de execución do orzamento do total de presupostos que é 8,3 puntos superior á media das comunidades autónomas.
Ante estas cifras, Feijóo expresou a satisfacción de que Galicia estea a executar os orzamentos a un nivel razoable, compatibilizándoo co control do déficit; coa capacidade de seguir financiándonos no mercado tradicional, sendo unha das poucas comunidades que non ten que acudir aos instrumentos de rescate do Estado; e compatibilizando pagar os compromisos de gasto con manter os servizos públicos.
Gabinete de Comunicación da Xunta de Galicia
