Esquerda Unida denuncia que o obxectivo de déficit fixado por Montoro perpetúa as políticas de austeridade encamiñadas á eliminación dos servizos públicos
Dende Esquerda Unida rexeitamos os obxectivos orzamentarios que propón Montoro e solicitamos unha repartición social, xusta e equitativa do déficit entre o Estado e as comunidades autónomas. Para a coordinadora nacional de Esquerda Unida, Yolanda Díaz, “estas cifras impostas polo PP son inxustas, e baséanse en sacrificar ás comunidades, para que estas se vexan na obriga de perpetuar o austericidio no gasto social, baseado en recortes en servizos públicos tan necesarios como a educación ou a sanidade”.
Nesta liña, dende Esquerda Unida consideramos que precisamente as comunidades son as que prestan os servizos máis esenciais para as persoas, polo que, segundo explicou Díaz, “entendemos que é totalmente inxusto que se lles esixa [ás comunidades] un déficit do 0,3% para o próximo ano, mentres que a Administración central poderá ter o 2,2%”. “Isto é un trato claramente discriminatorio e claramente centralista, xa que permite que o Estado teña un déficit maior que Galicia, cando é a comunidade autónoma a que presta a maioría dos servizos públicos”, incidiu.
No Consello de Política Fiscal (CPFF), o primeiro despois dunhas eleccións autonómicas en que xa se castigaron as nefastas políticas neoliberais do PP, Montoro, tras perder a primeira votación, viuse na obriga de aprobar en minoría esta nefasta proposta, que levará consigo aínda unha maior perda de benestar social e menos servizos públicos para a cidadanía. Agora, as comunidades terán que baixar o déficit ao 0,7% no 2015, ata o 0,3% no 2016, o 0,1% no 2017 e ao cero no 2018.
Nesta liña, dende Esquerda Unida consideramos que precisamente as comunidades son as que prestan os servizos máis esenciais para as persoas, polo que, segundo explicou Díaz, “entendemos que é totalmente inxusto que se lles esixa [ás comunidades] un déficit do 0,3% para o próximo ano, mentres que a Administración central poderá ter o 2,2%”. “Isto é un trato claramente discriminatorio e claramente centralista, xa que permite que o Estado teña un déficit maior que Galicia, cando é a comunidade autónoma a que presta a maioría dos servizos públicos”, incidiu.
No Consello de Política Fiscal (CPFF), o primeiro despois dunhas eleccións autonómicas en que xa se castigaron as nefastas políticas neoliberais do PP, Montoro, tras perder a primeira votación, viuse na obriga de aprobar en minoría esta nefasta proposta, que levará consigo aínda unha maior perda de benestar social e menos servizos públicos para a cidadanía. Agora, as comunidades terán que baixar o déficit ao 0,7% no 2015, ata o 0,3% no 2016, o 0,1% no 2017 e ao cero no 2018.
Gabinete de Prensa Executiva Nacional de Esquerda Unida (EU)
