O Centro de Servizos Avanzados da Cidade das TIC acolle o congreso Corunna Innovate Summit sobre intelixencia artificial e ciencia de datos

A continuación, ás 17:40h., Natalia Elvira, product manager na plataforma de etiquetado de datos Argilla, tratará o procesado de datos de alta calidade para os Grandes Modelos Lingüísticos e a Aprendizaxe por Reforzo a partir da Retroalimentación Humana.

Xa o venres 27 as xornadas iniciaranse ás 10:30 horas, coa intervención de José Manuel Maseda Valle, socio fundador de Wapping, plataforma omnicanal de intelixencia e fidelización para o sector retail, quen falará de como transformar a experiencia do cliente a partir dos datos.

A continuación, Laura Pereira Mauri, responsable de Industria 4.0 en Inova, explicará aos asistentes como transformar un proceso de control de calidade industrial a partir da IA.

Despois dunha breve pausa, será a quenda de Bruno Cabado, do departamento de desenvolvemento de produto de CINFO, coa súa presentación “Alquimistas dixitais: transformando imaxes en ouro”.

A continuación Lois Orosa, o director do Centro de Supercomputación de Galicia, centrará a súa exposición na computación cuántica. Para rematar a xornada da mañá, Paco Nathan, socio director da empresa Derwen, Inc. impartirá unha conferencia sobre linguaxe, grafos e intelixencia artificial na industria.

Despois do xantar networking, ás 15:30h. Salman Hussain, co-fundador de Zeed, ilustrará aos asistentes sobre o uso da IA para resumen de datos financeiros, para dar paso a Amparo Alonso, catedrática de Informática e Intelixencia Artificial na Universidade da Coruña, que reflexionará sobre os mitos e realidades da IA.

A xornada da tarde rematará cunha presentación e visita á Cidade das TIC guiada por Roberto Pérez Rodríguez, director do Clúster TIC de Galicia.

O evento conta coa colaboración do Concello da Coruña, o Colexio Profesional de Enxeñaría Informática de Galicia, e o Cluster TIC.