El paro bajó en Galicia un 1'12% en el mes de agosto invirtiendo la tendencia del conjunto de España

El número de parados registrados en las Oficinas de Empleo del INEM en Galicia al término del mes de agosto de 2006 bajó en 1.680 personas en relación con el mes anterior, con lo que el número de desempleados se situó en 146.388. Según datos del Ministerio de Trabajo, el descenso del paro en términos porcentuales fue del 1,13%, mientras que en conjunto de España subió un 1,47%.

El paro bajó en tres provincias, siendo Pontevedra donde se registró el mayor descenso (-1,55%), mientras que en Lugo se invirtió la tendencia ya que se produjo un incremento del paro del 0,43%.

En relación con agosto de 2005, el paro en la comunidad descendió en 10.907 personas (-6,93%). El paro masculino se situó a finales del mes pasado en 53.038 mientras que el femenino se cifró en 93.350. Del total de parados de Galicia, 14.374 son menores de 25 años, de ellos 7.828 son mujeres y 6.546 hombres.

Por sectores, el paro registrado varió en las siguientes magnitudes: en Agricultura subió en 9 personas (0,20%); en Industria bajó en 364 (-1,54%); en Construcción bajó en 294 (-1,93%); en Servicios descendió en 516 (-0,62%) y en el colectivo sin empleo anterior bajó en 515 (-2,36%).

El número de contratos en agosto se elevó a 76.534, es decir 8.608 menos que en el mes anterior. De ellos, 7.398 fueron contratos indefinidos, lo que supone un descenso de 443 respecto al mes anterior.

Nota de prensa de la Consellería de Traballo de la Xunta de Galicia sobre los datos del paro de agosto de 2006:

O director xeral de Formación e Colocación da Consellería de Traballo, Pastor Fuenteseca, presentou en rolda de prensa os datos do paro rexistrado nas oficinas de emprego galegas correspondentes ao pasado mes de agosto. Segundo explicou Fuenteseca, o número de inscritos nas oficinas galegas do Servizo Público de Emprego, descendeu nos últimos doce meses en 10.907 persoas, o que supón unha redución porcentual do 6,9% con respecto ao mes de agosto de 2005. Así, o número de demandantes de emprego sitúase en 146.388 desempregados, dos que o 63,8% son mulleres, é dicir, 93.350, e o 36,2% son homes, 53.038.

Con este descenso de agosto, os oito primeiros meses do ano supoñen o período consecutivo no que se produciu unha maior redución porcentual do paro do último lustro. Segundo indicou o director xeral, a Consellería de Traballo é consciente da importancia da incorporación da mocidade ao emprego, así, salientou o bo comportamento do paro xuvenil neste mes, xa que reduce o seu número de desempregados nun 18,6% con respecto ao mesmo mes de 2005, e nun 2,4% na comparativa con xullo deste ano. Ambas porcentaxes son moi superiores ao peso dos menores de 25 anos no conxunto do paro que é do 9,8%. Nesta liña, o director xeral salientou que Traballo continuará incidindo en políticas activas de emprego da mocidade de cara á consecución do seu pleno emprego.

Na evolución interanual, por sexos, dos 10.907 parados menos que hai un ano, 4.918 son homes e 5.989 son mulleres. Por idades, os menores de 25 anos representan o 9,8% do total de inscritos como demandantes.

Na comparativa mensual conclúese que o paro se reduce con respecto a xullo en 1.680 desempregados, é dicir, nun 1,1%. O mes de agosto é un período no que a penas se rexistran oscilacións na evolución mensual, nembargantes a redución que se produce neste oitavo mes de 2006 é trece veces superior á rexistrada no mesmo mes de 2005.

En relación ao comportamento mensual do paro por idade e sexo, o número de demandantes diminúe tanto entre homes como entre mulleres, e en todos os grupos de idade, sendo especialmente salientable a porcentaxe de redución entre os mozos e mozas menores de 25 anos, que rebaixan nun 2,4% o seu paro. O paro feminino continúa por terceiro mes consecutivo por debaixo das 100.000 demandas.

O tempo de permanencia en desemprego é unha das variables importantes a ter en conta cara a análise do desemprego en Galicia. 63.083 demandantes, algo máis de catro (4,3) de cada dez parados, leva máis dun ano en desemprego. Tanto en relación co mes anterior como con agosto de 2005, o número de parados descende en todos os grupos de antigüidade de permanencia en paro. O menor descenso se produce entre as mulleres que levan máis de 24 meses inscritas. Segundo sinalou Fuenteseca, as actuacións das políticas activas terán en conta esta realidade establecendo como un dos seus grupos obxectivos os demandantes de moi longa duración para establecer procedementos que permitan incrementar o seu nivel de competencias.
Por sectores produtivos, o paro rexistrado experimenta unha redución en todos eles en relación co mes de xullo agás no sector primario. É especialmente significativa a redución do 2,4% do colectivo “Sen emprego anterior”, que acada neste mes o valor máis baixo dos últimos dez anos, contabilizándose un total de 21.271 desempregados. O sector da construción reduce o seu paro nun 1,9%, e a industria nun 1,5%. No sector servizos redúcese nun 0,6%. O único sector que sufre un lixeiro incremento é o primario cun aumento porcentual do 0,2%.
No mes de agosto, prodúcese un incremento do paro rexistrado estatal de 28.693 persoas (1,47%), o que sitúa o número de parados en España en 1.983.677 persoas. A nivel de comunidades, o paro diminúe en sete comunidades. Galicia cun descenso de 1.680 parados é a segunda Comunidade Autónoma onde máis diminúe o paro rexistrado, tan só por detrás de Canarias que rexistra 2.523 demandantes menos que en xullo.

En comparación con agosto de 2005 o comportamento do paro de Galicia en relación co conxunto do Estado é moi bo, xa que se entón Galicia representaba o 7,79% do total de paro rexistrado, en agosto do 2006 reduciuse nun 5,3% ata o 7,38%.
En comparación co mes de agosto de 2005, Galicia representa o 30,8% do conxunto da redución realizada no Estado. Mentres que en Galicia o paro descende en 10.907 demandantes, o conxunto do Estado o fai en 35.433. Quere isto dicir que temos unha converxencia bruta de 8.147 demandantes, cuadriplicando o descenso estatal.

Así, os resultados interanuais de agosto ratifican a tendencia á converxencia de Galicia co Estado, levándose reducido dende decembro o 11,7% do peso de Galicia na media estatal.
Na evolución dos contratos rexistrados, prodúcese un descenso das contratacións no ámbito estatal de 347.972 con respecto ao mes anterior. En total, rexistráronse 1.322.920 contratos, dos cales 139.997 foron indefinidos (10,6%) e 1.182.923 temporais (89,4%).

En Galicia rexistráronse un total de 76.534 contratos, 8.608 contratos menos que en xullo, dos que 7.3981 foron indefinidos (9,7%) e 69.136 temporais (90,3%).

A evolución anual da contratación indefinida supón que no Estado haxa un incremento destes contratos do 51,98%. Galicia, sendo conscientes de que un dos máis graves problemas do mercado de traballo galego é a temporalidade na contratación, presenta unha evolución positiva por canto a contratación indefinida en comparación con agosto do 2005 medrou nun 24,32%. Esta evolución, indica segundo Fuenteseca, unha clara repercusión das diferentes medidas de fomento da estabilidade adoptadas tanto pola Consellería de Traballo como polo Ministerio.
O comportamento do paro rexistrado nas catro provincias presenta unha redución tanto en relación co mesmo mes do pasado ano, agosto de 2005, como co mes de xullo deste ano, agás a provincia de Lugo, na que o número de demandantes incrementouse nun total de 62 persoas con respecto a xullo, é dicir, nun 0,4%. O descenso en relación co mes de xullo é especialmente significativo nas provincias de Pontevedra, onde diminuíu nun 1,6%, e na Coruña nun 1,3%. Na provincia de Ourense o descenso foi do 0,6%.

A diminución sobre agosto de 2005 é especialmente importante en Lugo onde o paro rexistrado se reduce nun 8,7%, é dicir, en 1.372 demandantes, e en Pontevedra onde descende nun 7,9%, é dicir, en 4.542 persoas. Na Coruña o paro baixa nun 6%, ou o que é o mesmo, en 3.881 desempregados, e en Ourense a redución é do 5,6%, é dicir, 1.112 desempregados menos que hai un ano.
En relación á distribución territorial do paro rexistrado por provincias, A Coruña e Pontevedra xuntas supoñen algo máis das tres cuartas partes, (un 78%) mentres que Lugo e Ourense supoñen un 9,6% e un 12,6% respectivamente.

Nota de prensa de la Consellería de Traballo de la Xunta de Galicia sobre las afiliaciones a la Seguridad Social de agosto de 2006:

O número de afiliados á Seguridade Social en Galicia aumentou en 35.323 persoas dende agosto de 2005, o que representa unha suba interanual en termos porcentuais do 3,49%. Así, a cifra en termos absolutos de afiliados a todos os réximes ascende do 1.013.551 de agosto do pasado ano a 1.048.874 rexistrados en agosto de 2006.

O aumento interanual de cotizantes reflíctese tanto no réxime xeral como no de autónomos. De tal xeito que a cifra de cotizantes inscritos no réxime xeral da Seguridade Social increméntase en 35.071 persoas con respecto ao mes de agosto de 2005, o que representa un aumento do 4,83%. Pola súa banda, o réxime de autónomos rexistra unha suba do 2,29%, o que en termos absolutos supón un total de 4.198 afiliados máis que hai doce meses. O único réxime que sufre un descenso na taxa interanual é o agrario, no que o número de cotizantes reduciuse nun total de 3.024 persoas, é dicir nun 5,23%.

Na evolución interanual por provincias o número de afiliados sube neste período nas catro provincias galegas, sendo A Coruña, con 16.767 novas altas a que rexistra un maior incremento en termos absolutos, seguida de Pontevedra, con 12.692 cotizantes máis que en agosto de 2005, Lugo con 3.055 afiliados máis que hai un ano, e Ourense con 2.809. Porcentualmente, estes incrementos oscilan entre o 4,03% da Coruña ou o 3,49% de Pontevedra, e o 2,63% de Ourense ou o 2,39% de Lugo.

Neste oitavo mes de 2006, o número de afiliados á Seguridade Social descendeu en 1.120 cotizantes con respecto ao mes de xullo. Así, a 31 de agosto, o número de persoas dadas de alta en todos os réximes da Seguridade Social situouse en 1.048.874, o que en termos relativos supón un descenso do 0,11%.

Ademais deste descenso, na evolución mensual o réxime agrario diminúe en 315 persoas, é dicir, nun 0,57% con respecto a xullo, e o réxime xeral rexistra un leve descenso do 0,04%. Pola contra, o réxime de autónomos increméntase en 196 novos afiliados, o que representa un suba porcentual do 0,10%.

O número de afiliados descende nas catro provincias galegas, aínda que cómpre destacar o comportamento de Ourense, que rexistra un aumento do 0,08%, é dicir, 90 cotizantes máis que en xullo deste ano. Tras Ourense, a provincia que menos descende é A Coruña, cunha leve baixada do 0,04%, o que en termos absolutos equivale a 174 cotizantes menos. Pontevedra rexistra un descenso do 0,07% (253 menos) e en Lugo a cifra de cotizantes baixou nun 0,60% (783).