A Orquestra Clásica de Xove e a Coral do Hospital Xeral-Calde de Lugo ofrecen un concerto de ópera e cantata

Dirixido por Fernando Gómez Jácome, as dúas formacións musicais, a Coral do Hospital Xeral-Calde de Lugo e a Orquestra Clásica de Xove, uníronse un ano máis nun xa tradicional concerto conxunto que nesta edición 2013 estivo adicada a dous grandes compositores mundiais, Verdi e Wagner, con motivo da conmemoración do bicentenario do seu nacemento.

Ante un numeroso público e no Auditorio Municipal Gustavo Freire, a orquestra e a coral interpretaron un programa integrado por pezas como o "Te Deum" de Xoán Montes; "Caro mio ben", de Tomaso Giordani; "Laudate Dominum (Das Vesperae solennes de confessore, k339,5º movemento)" e "Isis und Osiris (da ópera Die Zauberflöte, k620, acto 2º, nº 10), de Wolfgang Amadeus Mozart.

Ademáis, no Auditorio lucense soaron o "Vi raviso, o luoghi ameni (da ópera Sonnambula, acto 1º, número 4)" e a "Casta Diva (da ópera Norma, acto 1º, número 5)", de Vicenzo Bellini; o "Entreacto e Bracarolle (da ópera Les contes d'Hoffmann, acto 3º)", "O mio bambbino caro (da ópera Gianni Schicchi)", de Giacomo Puccini; o "Coro de Pelegríns (da ópera Tannhäuser, acto 3º)", de Richard Wagner, e o "Coro de zíngaros (da ópera Il Trovatore, acto 2º, escea 1ª)" e o "Coro de escravos" (da ópera Nabuco, acto 3º), de Giuseppe Verdi.

Acompañando á orquestra e destacando entre o coro, soaron as voces da soprano Inés Rouñada e do baixo Francisco Javier Rodríguez, baixo e batuta de Fernando Gómez Jácome e a ausencia do director da orquestra, Xan Carballal, por motivos de saúde.

Fotografías: Carlos Rodríguez Arias.